Дар Ҳисор ба ниёзмандон, омӯзгорону табибон ва кормандони ҳифзи ҳуқуқ қитъаи замин доданд
ҲИСОР, 29.08.2022 /АМИТ «Ховар»/. Бо иштироки Раиси шаҳри Ҳисор Қосим Роҳбар дар мавзеи Ҳалқадашти Ҷамоати деҳоти ба номи Турсунзода ба 121 нафар ниёзмандоне, ки солҳо инҷониб дар навбати гирифтани қитъаи замини наздиҳавлигӣ буданд, ба таври озоду шаффоф ва ба тариқи қуръапартоӣ қитъаи замини наздиҳавлигӣ тақсим гардид. Дар ин бора котиби матбуоти Раиси шаҳри Ҳисор Ҳидоятулло Холзода ба хабарнигори минтақавии АМИТ «Ховар» Субҳониддини МАҲМУД иттилоъ дод.
Бо дастури Раиси шаҳри Ҳисор ба омӯзгорону табибон, нафароне, ки ду фарзандашон адои хизматӣ ҳарбӣ намудаанд, маъюбон, кормандони ҳифзи ҳуқуқу тартибот бе навбат, бе иштирок дар қуръапартоӣ ва бо хоҳиши худашон ҳуқуқи дар ҷойи дилхоҳашон интихоб кардани қитъаи замин дода шуд. Дигарон ба тариқи қуръапартоӣ соҳиби қитъаи замин гардиданд.
Ҳамчунин аз ҷониби Раиси шаҳр Ҳисор дар маъракаи тақсими замини наздиҳавлигӣ иброз гардид, ки мақомоти иҷроияи ҳокимияти давлатии шаҳр минбаъд низ ба нафароне, ки вазифаҳои давлатию хизматии хешро содиқона адо менамоянд, дар дастрасӣ ба замин ва дигар имтиёзҳои давлатӣ бартарият дода мешавад.
Раиси шаҳр шаҳрвандонеро, ки соҳиби замин шуданд, муборакбод гуфта, онро туҳфаи Пешвои миллат муҳтарам Эмомалӣ Раҳмон ба муносибати таҷлили 31-солагии Истиқлолияти давлатии Ҷумҳурии Тоҷикистон номид. Зикр шуд, ки Ҳукумати Ҷумҳурии Тоҷикистон бо сарварии роҳбари адолатпешаи худ барои бо манзил таъмин гардидани шаҳрвандони мамлакат пайваста тадбирҳои зарурӣ меандешад.
Дар маъракаи тақсими замин ниёзмандон аз ҷамоатҳои шаҳраки Ҳисор ва деҳоти ба номи Мирзо Турсунзода иштирок карда, ба роҳбарияти олии кишвар барои ғамхории пайваста изҳори сипос намуданд.
АКС: Мақомоти иҷроияи ҳокимияти давлатии шаҳри Ҳисор
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
Дурнамои ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин баррасӣ гардид
Шаҳри Душанбе сазовори Шоҳҷоизаи Фестивали ҷумҳуриявии «Сайри гули лола» гардид
Имрӯз ғолибони Фестивали гулҳо таҳти унвони «Сайри гули лола» ҳавасманд гардонида мешаванд
Ҳайати Тоҷикистон дар Анҷумани XV онкологҳо ва радиологҳои кишварҳои ИДМ ва Авруосиё иштирок намуд
Пагоҳ дар Душанбе Фестивали гулҳо таҳти унвони «Сайри гули лола» ҷамъбаст мегардад
Дар Боғи фарҳангӣ-фароғатии «Куруши Кабир» Намоиш-фурӯши маҳсулоти ҳунармандӣ идома дорад
Бо сокинони шаҳри Конибодом дар мавзуи худогоҳию худшиносии миллӣ вохӯрӣ баргузор шуд
Бахшида ба Рӯзи умумиҷаҳонии ҳифзи меҳнат ҳамоиш доир шуд
Дар мавзуи «Худогоҳию худшиносии миллӣ – василаи мубориза бо таассуб ва хурофот» бо сокинони шаҳри Исфара вохӯрӣ доир шуд
