Дар Истаравшан бинои маъмурии идораи ҳифзи муҳити зист ифтитоҳ ёфт

Август 14, 2022 11:20

ДУШАНБЕ, 14.08.2022 /АМИТ «Ховар»/. Дар шаҳри Истаравшан бинои маъмурии бахши муҳити зист ба истифода дода шуд, ки дар маросими ифтитоҳи он Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, Раиси Суди конститутсионии Ҷумҳурии Тоҷикистон Абдулҳафиз Ашӯрзода ва муовини якуми Раиси вилояти Суғд Хол Ҳайдар иштирок намуданд.

Тавре аз Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» иттилоъ доданд, сохтмони бинои маъмурии бахши ҳифзи муҳити зист дар шаҳри Истаравшан соли 2020 оғоз ёфта, фармоишгари он Кумитаи ҳифзи муҳити зисти назди Ҳукумати Ҷумҳурии Тоҷикистон мебошад.

Корҳои лоиҳакаширо Ҷамъияти дорои масъулияти маҳдуди «Аркон» ва корҳои сохтмониро Ҷамъияти дорои масъулияти маҳдуди «Манзили Кӯҳистон» ба итмом расониданд. Майдони умумии ҷудогардида 412 метри мураббаъ буда, бино аз се ошёна иборат мебошад. Дар ошёнаи якум – маҷлисгоҳ, китобхона ва утоқҳои корӣ ҷойгир карда шудаанд. Маҷлисгоҳ 25 ҷойи нишаст дошта, китобхона барои 1000 адад адабиёти гуногун ва бо компютер таҷҳизонида шудааст, ки дар он китобхонаи шакли электронӣ насб гардидааст. Дар ошёнаи дуюм — қабулгоҳ ва 5 утоқи корӣ барои кормандон ҷойгир буда, ҳамаи онҳо бо лавозимоти зарурӣ барои фаъолияти мутахассисон, аз ҷумла 4 адад компютер ва принтер таҷҳизонида шудаанд. Ошёнаи сеюм ҳамчун меҳмонхона барои кормандони мақомоти ҳифзи муҳити зист аз чор ҳуҷра иборат мебошад.

Раиси Кумита зикр намуд, ки фаъолияти корӣ дар чунин бинои замонавӣ, истифодаи техникаи компютерӣ, таҷҳизоти замонавӣ ва дигар имконияти мавҷуда кормандони соҳаро водор месозад, ки вазифаҳои хизматии худро бо масъулияти баланди шаҳрвандию касбӣ иҷро намуда, дар пешрафти минбаъдаи шаҳр саҳми арзанда гузоранд.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон

Август 14, 2022 11:20

Хабарҳои дигари ин бахш

ОБУ ҲАВО: Имрӯз дар Душанбе ҳаво рӯзона 31+33 дараҷа гарм мешавад
ОБУ ҲАВО: Имрӯз дар Тоҷикистон ҳаво рӯзона то 36 дараҷа гарм мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
«Ҳамсоядорӣ. Аз иғвоангезии навбатии Қирғизистон кӣ суд мебарад?!», «Хуни шаҳидон бар гардани кист?!», — шарҳи матбуоти даврии Тоҷикистон
Ҷаласаи XXV Шӯрои байниҳукуматӣ оид ба иктишоф, истифода ва ҳифзи қаъри замини давлатҳои узви ИДМ доир гардид
ОБУ ҲАВО: Имрӯз дар Тоҷикистон ҳаво рӯзона то 36 дараҷа гарм мешавад
ҚУРБИ АСЪОР: 1 доллари ИМА аз 10.2361 то 10.1000 сомонӣ муқаррар шудааст
Ҷаласаи Шӯрои сарони ҳукуматҳои кишварҳои узви СҲШ 1 ноябр доир мегардад
ОБУ ҲАВО: Имрӯз дар ноҳияҳои алоҳидаи кӯҳии Тоҷикистон бориши сусти борон ба амал меояд
ОБУ ҲАВО: Имрӯз дар Тоҷикистон ҳаво рӯзона то 34 дараҷа гарм мешавад
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст