Дар Палатаи савдо ва саноат имконоти сармоягузории Тоҷикистон ва Туркияро баррасӣ намуданд
ДУШАНБЕ, 02.08.2022 /АМИТ «Ховар»/. Ҷалби сармояи мустақими Ҷумҳурии Туркия ба соҳаҳои афзалиятноки иқтисодиёти Ҷумҳурии Тоҷикистон, бунёди корхонаҳои муштарак ва имконияти сармоягузории ҷумҳурӣ аз масъалаҳое буданд, ки зимни вохӯрии муовини Раиси Палатаи савдо ва саноати Ҷумҳурии Тоҷикистон Манзура Рустамова бо Раиси Палатаи савдо ва саноати шаҳри Болуи Туркия — Туркер Атеш ва менеҷери Минтақаи махсуси саноатии муташаккили саноатии омехта ва нассоҷии минтақаи Болу Мустафо Гулен баррасӣ гардиданд.
Тавре ба АМИТ «Ховар» дар Палатаи савдо ва саноати Ҷумҳурии Тоҷикистон хабар доданд, зимни вохӯрӣ Манзура Рустамова оид ба фаъолият ва нақшаҳои ояндаи Палата дар самти баргузории намоишгоҳҳо, бизнес-форумҳо ва дигар чорабиниҳои тиҷоратӣ ба онҳо маълумот дод. Ҳамчунин ӯ меҳмонҳоро даъват намуд, ки ҷиҳати иштироки ширкату корхонаҳо ва соҳибкорону сармоягузорони Болу зимни баргузории чорабиниҳои тиҷоратӣ дар қаламрави Тоҷикистон мусоидат кунанд.
Ҷаноби Туркер Атеш баргузории намоишҳои зикргардидаро барои рушди фаъолияти бахши хусусӣ иқдоми нек шуморида, иброз намуд, ки барои иштироки ширкату корхонаҳо ва соҳибкорону сармоягузорони Туркия дар чорабиниҳои тиҷоратии дар қаламрави Ҷумҳурии Тоҷикистон баргузоршаванда тадбир меандешанд.
Манзура Рустамова зимни мулоқот ҷиҳати ҷалби сармояи мустақими Туркия ба соҳаҳои афзалиятноки иқтисодиёти кишвар, бунёди корхонаҳои муштарак, имконияти сармоягузории ҷумҳурӣ, имтиёзҳои пешбининамудаи Ҳукумати кишвар доир ба дастгирии соҳибкорону сармоягузорон ва рушди табодули молу маҳсулот миёни кишварҳои якдигар ба меҳмонон маълумоти мушаххас ва Роҳнамои тиҷоратӣ пешниҳод намуд.
АКС: Маркази матбуоти ПСС ҶТ
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
