Дар Тошканд Форуми иқтисодии кишварҳои узви СҲШ ҷараён дорад
ДУШАНБЕ, 17.08.2022 /АМИТ «Ховар»/. Форуми дуюми иқтисодии кишварҳои Созмони ҳамкории Шанхай (СҲШ) 16-17 август дар Тошканд баргузор мегардад, хабар медиҳад хабарнигори АМИТ «Ховар. Дар форум ҳайати Тоҷикистон таҳти сарварии муовини аввали Вазири рушди иқтисод ва савдои Ҷумҳурии Тоҷикистон Ашӯрбой Солеҳзода иштирок дорад.
Дар маросими ифтитоҳи форум муовини Сарвазир- вазири сармоя ва тиҷорати берунаи Узбекистон Ҷамшед Хоҷаев ва муовини котиби генералии СҲШ Ерик Ашимов сухан гуфтанд. Дар Форуми иқтисодии кишварҳои СҲШ роҳбарони ниҳодҳои давлатӣ, вазоратҳои марбутаи масъули фаъолияти иқтисодии хориҷӣ иштирок доранд. Дар доираи форум ярмаркаи навовариҳои саноатии кишварҳои узви СҲШ ташкил мегардад.
Форуми иқтисодии СҲШ на танҳо барои роҳандозии муколамаи байниҳукуматӣ, балки барои ҳамкории намояндагони доираҳои соҳибкорӣ, инчунин ҷалби сармоягузорон ба минтақаҳои фазои созмон платформаи муассир мегардад.
Дар рӯзномаи форум баргузории ҷаласаи пленарӣ, ҷаласаҳои панелӣ, вохӯриҳои дуҷониба барои нишон додани иқтидори иқтисоди рақамӣ, технологияҳои сабз, ҳамкорӣ миёни минтақаҳо, рушди ҳамкории сармоягузорӣ, кооператсияи саноатӣ ва дигар самтҳои афзалиятноки шарикӣ пешбинӣ шудааст.
«Ҳадафи асосии Форуми иқтисодӣ- ҷалби таваҷҷуҳи тарафҳо ба мушкилот ва дурнамои рушди ҳамкории мутақобилан судманди тиҷоративу иқтисодӣ, сармоягузорӣ ва фарҳангию гуманитарӣ, таҳияи тадбирҳои муассир ҷиҳати эҳёи робитаҳо дар фазои СҲШ мебошад», иттилоъ доданд дар Вазорати рушди иқтисод ва савдои Ҷумҳурии Тоҷикистон.
Форуми иқтисодии СҲШ дар чаҳорчӯби раёсати Узбекистон дар СҲШ бо ташаббуси Президенти Узбекистон Шавкат Мирзиёев доир мегардад.
Ёдовар мешавем, ки нишасти сарони кишварҳои СҲШ 15-16 сентябр дар Самарқанд баргузор мешавад.
Марзия САИДЗОДА,
АМИТ «Ховар»
АКС: yuz.uz
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
