Ду мактаби русизабони Тоҷикистон аз Русия китобҳои нави дарсӣ гирифтанд
ДУШАНБЕ, 24.08.2022. /АМИТ «Ховар»/. Мактаби миёнаи шаҳри Кӯлоб ва гимназияи давлатии ноҳияи Фархори вилояти Хатлон аз Русия китобҳои нави дарсӣ гирифтанд. Дар ин бора рӯзи сешанбе дар намояндагии «Россотрудничества» дар Тоҷикистон хабар доданд.
«Асосан инҳо дастурҳо оид ба математика, забони русӣ, адабиёт — дар маҷмӯъ тақрибан 900 китоб мебошанд», — омадааст дар гузориш.
Дар маросими супоридани китобҳо хонандагон, падару модарон ва намояндагони шуъбаи Ташкилоти умумирусиягии ҷамъиятии ветеранҳо — «Боевое братство» иштирок доштанд.
Таҳсил дар ҳарду мактаб ба забони русист.
Тавре АМИТ «Ховар» қаблан хабар дода буд, 1 сентябр дар шаҳрҳои Бохтар, Душанбе, Кӯлоб, Турсунзода ва Хуҷанд боз панҷ мактаби русӣ ифтитоҳ мешаванд.
Хотиррасон мешавем, ки дар бораи бунёди муассисаҳои таълимоташон ба забони русӣ дар Тоҷикистон баъди музокироти Президенти Ҷумҳурии Тоҷикистон Эмомалӣ Раҳмон ва Президенти Федератсияи Русия Владимир Путин дар ҷараёни сафари расмии Савари давлати Тоҷикистон ба ин кишвар 17 апрели соли 2019 мувофиқа ҳосил шуда буд.
Дар мактабҳои нав омӯзгорони рус таълим хоҳанд дод ва барномаи таълимӣ махсус барои Тоҷикистон мутобиқ карда мешавад. Ҳукумати Русия барои сохтмон ва таҷҳизонидани онҳо ҳудуди 150 миллион доллар ҷудо кардааст.
Тибқи иттилои масъулини Вазорати маориф ва илми Ҷумҳурии Тоҷикистон, айни ҳол дар мамлакат 48 мактаби русӣ бо фарогирии 27 ҳазору 63 нафар хонанда ба таълим равона шудаанд.
Ин мактабҳо дар шаҳри Душанбе, ноҳияҳои тобеи марказ ва дигар шаҳрҳои калони ҷумҳурӣ фаъолият мекунанд.
АКС аз бойгонӣ
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
