Хоҷагии фермерии «Расим»-и ноҳияи Шуғнон яке аз беҳтаринҳо дониста шуда, соҳиби 30 ҳисса замини иловагӣ мегардад

Август 7, 2022 09:08

ХОРУҒ, 07.08.2022  /АМИТ  «Ховар»/. Дар доираи амалӣ намудани иқдоми неку шоистаи Ҳукумати Ҷумҳурии Тоҷикистон ҷиҳати истифодаи оқилонаи ҳар ваҷаб замини корам ва аз он гирифтани ҳосили дилхоҳ  хоҷагидорони ноҳияи Шуғнон аз тамоми имконият истифода менамоянд. Дар баробари дигар хоҷагиҳои деҳқонии қаламрави ноҳия беш аз 5 сол  боз хоҷагии фермерии мавсум ба «Расим», ки сарварии онро  Сангин Мубашширов ба зимма дорад,  фаъолияти густурда дорад, хабар медиҳад мухбири минтақавии АМИТ «Ховар» Файз МИРАСАН.

Хоҷагии мазкур фаъолияташро аз чорводорӣ оғоз карда, дар замини нокорам боғ бунёд намуд. Бо афзоиши шумораи чорвои калон  даромад аз ҳисоби фурӯши гӯшту шир, дуғу панир, ҷурғоту равғани маска, меваю сабзавот  рӯ ба афзоиш ниҳод. Сарвари ин хоҷагӣ гуфт, ки “бо маслиҳати аҳли оила аз маблағи пасандоз фермаи хурди парвариши мурғ, мурғобӣ ва мурғи марҷон ташкил намудем. Дар деҳаи мо замини ҳамвору киштбоб кам аст. Ҳамагӣ 6 ҳисса  замини корам дорем ва талош мекунем, ки онро хеле сарфакоронаву самаранок истифода барем. Аз ин қитъаи замин ҳам хӯрок барои чорво, ҳам дон барои мурғон ва ҳам меваю сабзавот ба даст меорем”. «Ҳамсарам Қурбонсултон аз маҳсулоти ширӣ дуғ, қаймоқ, чурғот, паниру қурут ва аз меваю сабзавот ҳар гуна нӯшоба, мураббову шарбат омода намуда, дар бозори ноҳия ва шаҳри Хоруғ ба фурӯш мегузорад. Талабот ба маҳсулоти ширӣ, бахусус агар он тоза бошаду ягон иловагиҳои кимиёӣ надошта бошад, хеле зиёд аст. Ба наздикӣ Раиси вилоят Мирзонабот Алишер ва Раиси ноҳия Ҷумъа Шофақир дар меҳмонии хонаводаи мо буданд. Бо фаъолияти хоҷагии деҳқонии мо шинос шуданд. Онҳо диданд, ки аз ҳар ваҷаб замини корам ҳам барои оилаи худ маҳсулоти зарурӣ захира мекунем ва ҳам бозори ноҳия ва шаҳри Хоруғро бо маҳсулоти ширию гӯштӣ, меваю сабзавоти тару тоз таъмин мекунем, ваъда доданд, ки барои рушди минбаъдаи хоҷагиамон боз 30 ҳисса замин ҷудо мекунанд»,- афзуд Сангин Мубашширов.

Ҳамсари сарвари ин хоҷагӣ Қурбонсултон Муборакқадамова низ аз дастгирии раҳбарияти мақомоти иҷроияи ҳокимияти давлатии вилояту ноҳия изҳори хушҳолӣ намуда, гуфт, ки “агар масоҳати қитъаи замин васеъ гардад, онҳо метавонанд корхонаи хурди истеҳсоли маҳсулоти ширӣ ва меваю сабзавот бунёд намуда, маҳсулоти ҷавобгӯ ба талаботи муосир истеҳсол карда, ба бозор бароранд”.

АКС: АМИТ  «Ховар»

Август 7, 2022 09:08

Хабарҳои дигари ин бахш

Шерализода ва Катрин дар Никосия масъалаҳои марбут ба экологияро баррасӣ намуданд
«ДИГАРГУНШАВИИ САЙЁРА». Ҳайати Тоҷикистон дар Конфронси 9-уми вазирони муҳити зист дар Никосия иштирок дорад
Ҳайати Тоҷикистон дар Конфронси минтақавии иттифоқҳои касабаи Осиёи Марказӣ иштирок дорад
Дар Хадамоти гумрук татбиқи лоиҳаи низоми «АСИКУДА» ба таври расмӣ оғоз ёфт
ЯРМАРКАИ БАЙНАЛМИЛАЛИИ «SLOW FOOD». Захираҳои табиӣ ва экологии Тоҷикистон дар он муаррифӣ ва тарғиб шуданд
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
АЗ ҚАБУЛИ ҚОНУН «ДАР БОРАИ ЗАБОНИ ДАВЛАТӢ» 13 СОЛ ПУР ШУД. Дар Тоҷикистон Рӯзи забони давлатӣ таҷлил гардид
Олимҷон Муҳаммадҷонзода : Таъсиси нахустин маҷаллаи «Забон ва истилоҳот» дар рушду густариши забони давлатӣ саҳм мегузорад
«ЗАБОНИ МИЛЛАТ-ҲАСТИИ МИЛЛАТ». Дар Агентии хизмати давлатӣ ҷамъомади тантанавӣ баргузор гардид
ОБУ ҲАВО: Имрӯз дар Тоҷикистон ҳаво рӯзона то 30 дараҷа гарм мешавад
ОБУ ҲАВО: Имрӯз дарТоҷикистон ҳавои тағйирёбанда дар назар аст
30-СОЛАГИИ ИҶЛОСИЯИ XVI ШӮРОИ ОЛӢ. ҲХДТ таҳти унвони «30 соли созандагӣ бо Пешвои муаззами миллат» Конференсияи ҷумҳуриявии илмӣ-назариявӣ доир менамояд

Хабарҳои муҳимтарин