Кишоварзони шаҳри Ваҳдат дар майдони 6480 гектар кишти такрорӣ гузарониданд
ВАҲДАТ, 07.08.2022 /АМИТ «Ховар»/. Кишоварзони шаҳри Ваҳдат пас аз рӯёндани ҳосили гандум, пиёз, картошкаи барвақтӣ ва дигар намуди сабзавот дар майдони умумии 6480 гектар кишти такрорӣ гузарониданд, ки аз ин 900 гектарро мош, 2092 гектарро ҷуворимакка барои дон, 2217 гектарро ҷуворимакка барои хӯроки чорво, 190 гектарро офтобпараст ва 1000 гектарро дигар намуди сабзавот ташкил медиҳад. Дар ин бора сардори Раёсати кишоварзии шаҳри Ваҳдат Зафар Искандаров ба хабарнигори АМИТ «Ховар» иттилоъ дод.
Кишоварзону заминдорони шаҳри Ваҳдат дар кишти такрорӣ бештар мошу ҷуворимакка кишт менамоянд, то ҳосили хуб ба даст оварда, чорворо бо хӯрок таъмин намоянд.
Соли равон барои кишоварзони шаҳри Ваҳдат соли бобаракат омад. Онҳо аз майдони умумии 6134 гектар ғалладонагиҳо 20 523 тонна ҳосил ҷамъоварӣ намуданд. Ҳамчунин то имрӯз 21 642 тонна картошка, 38 669 тонна сабзавот, 2625 тонна карам, 7645 тонна бодиринг, 7985 тонна помидор, 9547 тонна сабзӣ ва 10 121 тонна пиёз ҷамъоварӣ намуда, дар таъмини амнияти озуқавории мамлакат саҳми арзанда гузоштанд.
Муовини раиси Ҷамоати деҳоти Симиганҷи шаҳри Ваҳдат Толибҷон Холов иброз дошт, ки «Ҷамоати деҳоти Симиганҷ аввалин шуда, нақшаи кишти такрориро 101 фоиз иҷро намуд, ки 523 гектарро ташкил медиҳад. Дар кишти такрорӣ кишоварзони ҷамоат дар 170 гектар ҷуворимаккаи дон, дар 20 гектар офтобпараст, дар як гектар картошка, дар 80 гектар сабзавот, дар 100 гектар лӯбиёгӣ ва дар 152 гектар хӯроки чорво кишт намуданд».
Дар ҳудуди Ҷамоати деҳоти Симиганҷ кишти такрорӣ идома дошта, деҳқонону сокинони ҷамоат дастуру супоришҳои Пешвои миллат муҳтарам Эмомалӣ Раҳмонро сармашки кори худ намуда, заминҳои наздиҳавлигӣ, президентӣ ва кишоварзиро самаранок истифода намуда, дар таъмини бозорҳои мамлакат бо маҳсулоти кишоварзӣ саҳми арзанда мегузоранд.
АКС: АМИТ «Ховар»
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
Дар Душанбе модели ҳамкории минтақавӣ ва табодули дониш баррасӣ гардид
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
