Наврасони Душанбе дар Форуми якуми байналмилалии фарҳангии кӯдакон бо Диплом ва Сипоснома сарфароз гардонида шуданд
ДУШАНБЕ, 29.08.2022. /АМИТ «Ховар»/. Таълимгирандагони МД «Маркази кӯдакон ва наврасони шаҳри Душанбе» барои иштироки фаъол ва эҷодкорона дар кори Форуми якуми байналмилалии фарҳангии кӯдакон бо Диплом ва Сипосномаи Вазорати фарҳанги Федератсияи Русия сарфароз гардонида шуданд. Дар ин бора Директори Муассисаи давлатии «Маркази кӯдакон ва наврасони шаҳри Душанбе» Комилҷон Холов хабар дод.
Тавре қаблан АМИТ «Ховар» хабар дода буд, бори аввал аз 24 то 28 август Форуми якуми байналмилалии фарҳангии кӯдакон дар шаҳри Москва баргузор гардид.
Дар форуми мазкур гурӯҳи таълимгирандагони Муассисаи давлатии «Маркази кӯдакон ва наврасони шаҳри Душанбе» иштирок намуд.
Дар форум зиёда аз 1,5 ҳазор нафар кӯдакону наврасон аз тамоми манотиқи Федератсияи Русия ва намояндагони 10 кишвари дигар ҳузур доштанд.
«Тибқи барномаи форум, иштирокчиён дар зиёда аз 60 чорабинии гуногун иштирок намуданд. Аз ҷумла, дар дарсҳои маҳорат ширкат варзида, бо ҳамсолони худ аз дигар минтақаҳо муошират карданд. Ба воситаи ин форум кӯдакону наврасон бо якдигар табодули таҷрибаи эҷодӣ намуда, бо ҷойҳои ҷолиби диққати Москва ва мавзеъҳои таърихии он шинос гардиданд. Ҳамзамон дар ҷараёни форум иштирокчиён бо шахсиятҳои барҷастаи Русия суҳбату вохӯрӣ анҷом доданд»,- гуфт ба АМИТ «Ховар» Директори Муассисаи давлатии «Маркази кӯдакон ва наврасони шаҳри Душанбе» Комилҷон Холов.
АКС: Муассисаи давлатии «Маркази кӯдакон ва наврасони шаҳри Душанбе»
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
