Низомиёни рус ба хонандагони литсейи Душанбе кумаки башардӯстона расониданд
ДУШАНБЕ, 12.08.2022 /АМИТ «Ховар»/. Сарбозони пойгоҳи низомии 201-уми Русия, воқеъ дар Тоҷикистон ба хонандагони литсейи техникии шаҳри Душанбе ба сифати кумаки башардӯстона навъҳои гуногуни ғизо супурданд. Тавре АМИТ «Ховар» иттилоъ медиҳад, дар ин бора имрӯз дар шабакаи Telegram-и худ Сафорати Русия дар Тоҷикистон хабар додааст.
«Ҳарбиёни пойгоҳи низомии 201-уми Русия ба кӯдакони литсейи махсуси техникии шаҳри Душанбе кумаки башардӯстона супурданд», — омадааст дар хабар.
Гуфта мешавад, ки зиёда аз ду тонна озуқаворӣ — сабзавот, гӯшт, ярма, орд, қанд ва ғайра расонида шуд.
Муассисаи давлатии таълимии «Литсейи махсуси касбии техникии шаҳри Душанбе» аз соли 1947 инҷониб фаъолият дошта, дар ҷумҳурӣ ягона муассисаи махсус маҳсуб мешавад, ки дар он ба кӯдакони ятиму бепарастор ва аз оилаҳои номатлуб касбу ҳунарҳои гуногун меомӯзанд.
Дар намояндагии дипломатӣ зикр карданд, ки аз аввали соли 2022 низомиёни Русия ба кӯдакони ятим ва шаҳрвандони камбизоат беш аз 15 тонна маводи ғизоӣ ва маводи зарурӣ расонидаанд.
Пойгоҳи 201-ум дар Тоҷикистон ҷойгир буда, бузургтарин иншооти низомии Русия берун аз марзи он аст.
Ҷузъу томҳои он дар Душанбе ва Бохтар ҷойгир шудаанд. Ба таркиби ПНР қисмҳои мототирандозӣ, танкӣ, артиллерӣ, иктишофӣ, қисмҳои мудофиаи зиддиҳавоӣ ва алоқаҳо дохил мешаванд.
АКС: Мудофиаи марказии ҳарбии ФР
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
