ОМОДАГӢ БА СОЛИ НАВИ ТАҲСИЛ. Дар Ховалинг ярмаркаи либосҳои мактабӣ ташкил шуда, таъмири муассисаҳо анҷом меёбад

Август 18, 2022 14:24

ХОВАЛИНГ, 18.08.2022 /АМИТ «Ховар»/. Мақомоти иҷроияи ҳокимияти давлатии ноҳияи Ховалинги вилояти Хатлон ярмаркаи фурӯши либосҳои мактабӣ ташкил намуда, ҳамзамон таъмиру омодагии муассисаҳои таълимиро ба соли нави хониш зери назорат гирифтааст. Дар ин бора мухбири минтақавии АМИТ «Ховар» Сулаймон ХОЛЗОДА иттилоъ медиҳад.

Дар ярмарка аслан либосҳои мактабӣ аз корхонаи дӯзандагии «Лоҳутӣ»-и Ҷамоати деҳоти Лоҳутии ноҳия ба фурӯш бароварда, дастраси хонандагон гардонида шудаанд.

Тавре муовини Раиси ноҳияи Ховалинг Зарҳалбӣ Кабирзода иттилоъ дод, дар баробари ташкили ярмаркаи либосҳои мактабӣ роҳбарияти корхонаи дӯзандагии «Лоҳутӣ» бо муассисаҳои таълимии ноҳия шартнома баста, андозаи либосҳоро гирифта, барои ҳар хонанда либоси мактабӣ медӯзанд.

Ҳоло дар корхонаи дӯзандагӣ дӯхти либоси мактабӣ идома дорад. Дӯзандагон аллакай беш аз навад фоизи фармоишро ба анҷом расонида, рӯзҳои наздик нақшаи дӯхти либоси мактабиро иҷро менамоянд.


Раёсати молияи Мақомоти иҷроияи ҳокимияти давлатии ноҳияи Ховалинг барои таъмири муассисаҳои таълимӣ маблағҳоро ба суратҳисоби онҳо гузаронидааст. Ин аст, ки корҳои таъмирӣ дар муассисаҳо дар арафаи анҷомёбӣ қарор доранд.

Дар Муассисаи таҳсилоти миёнаи умумии №15 аллакай сарулибоси мактабиро дастрас намуда, ба хонандагон тақсим карда истодаанд. Хонандагони ин муассиса 85 фоиз бо либоси мактабӣ таъмин шудаанд. Дар баробари ин таъмири муассиса ба анҷом расида, ҳоло синфхона ва кабинетҳои фанниро ба тартиб медароранд.

Дар Муассисаи таҳсилоти миёнаи умумии №3 бо дастгирии хатмкардагони муассиса ва ассотсиатсияи падару модарон синфхонаҳо ва кабинетҳои фанниро аз таъмири хушсифат баровардаанд. Дар айни замон корҳои рангуборкунӣ дар қисмати берунии бино идома доранд.

Омӯзгорону коргарони хоҷагии Муассисаи таҳсилоти миёнаи умумии №12 низ таъмири синфхонаҳо ва роҳраву кабинетҳои фанниро анҷом дода, ҳоло хонандагонро бо либосҳои ягонаи мактабӣ таъмин намуда истодаанд. Омӯзгорон асбоби аёнӣ, компютеру тахтаҳои электронӣ ва дигар таҷҳизоту лавозимоти соҳавиро ҷо ба ҷо мегузоранд. Ҳамзамон дар ҳамаи муассисаҳо дарсҳо барои хонандагони синфи якум оғоз шудаанд. Давоми ду ҳафта ба хонандагони синфи якум вақту тарзи омаду рафт ба мактаб омӯзонида мешавад.

Раёсати маорифи Мақомоти иҷроияи ҳокимияти давлатии ноҳияи Ховалинг барои таъмини муассисаҳо бо омӯзгорон ва дигар мутахассисони касбӣ кадрҳои ҷавонеро, ки тибқи роҳхати Вазорати маориф ва илми Ҷумҳурии Тоҷикистон фиристода шудаанд, қабул менамоянд.

АКС: АМИТ «Ховар»

Август 18, 2022 14:24

Хабарҳои дигари ин бахш

Ба сокинони Норак моҳияти Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Дар Тоҷикистон якбора номусоид шудани вазъи ҳаво дар назар аст
Имрӯз Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Пагоҳ Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Имрӯз Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш дар назар аст
Имрӯз «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
Имрӯз дар Тоҷикистон борон ба амал меояд
Кумитаи ҳифзи муҳити зист доир ба омӯзиши муҳтавои Паёми Президенти Ҷумҳурии Тоҷикистон ҳамоиш баргузор намуд
Дар Норак даври шаҳрии озмуни вилоятии «Суруди Алла» баргузор шуд
Пагоҳ «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш пешгӯӣ мешавад