Шараф Шерализода дар маросими ифтитоҳи Ҳафтаи ҷаҳонии об дар Стокҳолм иштирок намуд
ДУШАНБЕ, 31.08.2022 /АМИТ «Ховар»/. Муовини Вазири корҳои хориҷии Ҷумҳурии Тоҷикистон Шараф Шерализода 29 август дар маросими ифтитоҳи Ҳафтаи ҷаҳонии об таҳти унвони «Дидани ноаён: арзиши об» иштирок намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Ҳамоиши мазкур ба ҳалли мушкилиҳои глобалӣ дар самти об равона шуда, шурӯъ аз соли 1992 ҳамасола аз ҷониби Институти байналмилалии оби Стокҳолм (SIWI) дар ҳамкорӣ бо дигар созмонҳои давлатию ғайридавлатӣ баргузор карда мешавад.
Ҳафтаи ҷаҳонии об-2022 дар Стокҳолми Шветсия 23 август шурӯъ шуда, то 1 сентябр идома меёбад. Чорабинӣ ба се масъалаи асосӣ, аз ҷумла арзиши об барои одамон ва рушд, аҳамияти об барои табиат ва тағирёбии иқлим ва арзиши молиявию иктисодии он бахшида шудааст.
Қобили зикр аст, ки 21 декабри 2020 Маҷмаи Умумии СММ дар иҷлоси 75-уми худ лоиҳаи қатъномаи Тоҷикистонро таҳти унвони «Конфронси СММ оид ба бознигарии миёнамуддати фарогири ҳадафҳои Даҳсолаи байналмилалии амал «Об барои рушди устувор”, 2018-2028” бо иттифоқи оро ва ҳаммуаллифии 190 кишвари узви СММ қабул намуд. Мувофиқи қатънома 22-24 марти соли 2023 дар Ню-Йорк таҳти мизбонии Тоҷикистон ва Нидерланд Конфронси оби СММ-2023 баргузор хоҳад шуд. Нишасти мазкур баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.
Акс: ВКХ ҶТ
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
