Варзишгарони тоҷик то охири соли равон дар 10 мусобиқа ва чемпионатҳои ҷаҳонӣ ширкат меварзанд

Август 20, 2022 13:51

ДУШАНБЕ, 20.08.2022. /АМИТ «Ховар»/. Варзишгарони тоҷик то охири соли равон дар 10 мусобиқа ва чемпионатҳои ҷаҳонӣ аз рӯи намудҳои дзюдо, қаиқронӣ, гӯштини тарзи озод, гӯштини юнонӣ-румӣ, варзиши сабук, таэквандо ва бокс иштирок менамоянд, иттилоъ дод ба АМИТ «Ховар» сардори шуъбаи кор бо дастаҳои мунтахаби Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода.

Варзишгарони тоҷик аз 2 то 9 октябр дар чемпионати ҷаҳон доир ба дзюдо, ки дар Ҷумҳурии Узбекистон баргузор мегардад, иштирок менамоянд.

«Ҳамзамон аз 21 то 23 октябр варзишгарони мо дар мусобиқаи бонуфузи ҷаҳонии дзюдо -Гран Слам, ки дар Аморати Муттаҳидаи Араб доир мегардад, Тоҷикистонро муаррифӣ менамоянд. Баргузории мусобиқаи бонуфузи Гран Слам то охири соли равон дар дигар давлатҳо низ дар назар дошта шудааст, ки варзишгарони тоҷик дар онҳо ширкат менамоянд. Аз ҷумла, баргузории ин мусобиқа аз 4 то 6 ноябр дар Озарбойҷон, 3-4 декабр дар Ҷопон дар назар буда, варзишгарони тоҷик дар онҳо ҳунарнамоӣ менамоянд»,-гуфт Ҳалимҷон Набизода.

Зикр шуд, ки аз 10 то 18 сентябри соли равон дар Сербия Чемпионати ҷаҳон оид ба гӯштини тарзи озод баргузор мегардад, ки варзишгарони мо дар он Тоҷикистонро муаррифӣ менамоянд.

Инчунин 7-16 сентябр дар мусобиқаи байналмилалии бокс, ки дар ИМА баргузор мегардад, варзишгарони тоҷик ширкат намуда, Тоҷикистонро намояндагӣ менамоянд.

Ба зикри сардори шуъбаи кор бо дастаҳои мунтахаби Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода, инчунин то охири сол чемпионатҳои ҷаҳон, Осиё ва дигар мусобиқаҳои байналмилалӣ аз рӯи дигар намудҳои варзиш ва варзиши ғайриолимпӣ баргузор мегарданд. Вобаста ба ворид гардидани низомномаҳои онҳо Кумита дар якҷоягӣ бо Кумитаи миллии олимпӣ ва федератсияҳои варзишӣ дастаи мунтахабро интихоб намуда, ба ин мусобиқаҳо сафарбар менамояд.

Зарангези ЛАТИФ,
АМИТ «Ховар»

АКС: Кумитаи миллии олимпии Тоҷикистон

Август 20, 2022 13:51

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод