Ҳайати Узбекистон барои иштирок дар барномаҳои идонаи ҷашни Истиқлолияти давлатии Тоҷикистон ба вилояти Суғд ташриф овард
ДУШАНБЕ, 08.09.2022 /АМИТ «Ховар»/. Имрӯз ҳайати Ҷумҳурии Узбекистон бо роҳбарии ҳокими вилояти Фарғона Хайрулло Бозоров ҷиҳати иштирок дар барномаҳои идона ба муносибати 31-солагии Истиқлолияти давлатии Ҷумҳурии Тоҷикистон ба вилояти Суғд ташриф овард, иттилоъ доданд ба АМИТ «Ховар» дар хадамоти Раиси вилояти Суғд.
Дар доираи сафари меҳмонон дар Кохи фарҳанги ба номи Абӯабдуллои Рӯдакӣ намоиши молу маҳсулоти вилояти Фарғона ташкил карда шуда, Форуми соҳибкорони вилоятҳои Суғд ва Фарғона гузаронида мешавад.
Ҳамчунин имрӯз дар шаҳри Гулистон Раиси вилояти Суғд Раҷаббой Аҳмадзода бо ҳокими вилояти Фарғона Хайрулло Бозоров мулоқот намуд.
Дар мулоқоти дуҷониба гуфта шуд, ки бо сиёсати пешгирифтаи роҳбарони давлатҳо- Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев ҳамкории мутақобилан судманди тиҷоратию иқтисодӣ миёни минтақаҳои ду кишвар тавсеа ёфта, мубодилаи молу маҳсулот дар ҳоли афзоиш аст.
Зикр шуд, ки вилояти Суғд бо вилоятҳои Фарғона, Самарқанд, Ҷиззах, Намангон ва Тошканд ҳамкории хуби иқтисодӣ дошта, соҳибкорони тоҷику узбек дар амалисозии лоиҳаҳои муштарак фаъолона иштирок доранд.
Соли 2021 мубодилаи молу маҳсулот миёни вилояти Суғд ва Ҷумҳурии Узбекистон 207,5 миллион доллари ИМА-ро ташкил додааст. Дар ҳашт моҳи соли равон ин рақам ба 197 миллион доллар баробар гардид.
Раҷаббой Аҳмадзода иброз дошт, ки вилояти Суғд дорои имконоти фаровон буда, доираҳои соҳибкории ду тараф метавонанд дар бахшҳои гуногун, аз ҷумла мубодилаи молу маҳсулот, ташкили корхонаҳои нав дар самти коркарди пахта, меваю консерва, истеҳсоли либос ва пойафзол ҳамкориро тақвият бахшанд.
Ҳокими вилояти Фарғона Хайрулло Бозоров дар ҷараёни мулоқот фарорасии 31-умин солгарди Рӯзи Истиқлолияти давлатии Ҷумҳурии Тоҷикистонро ба мардуми тоҷик табрик гуфта, зикр намуд, ки дар солҳои соҳибистиқлолӣ марҳилаи нави рушди муносибатҳо фаро расидааст. Ӯ аз густариши равобит миёни вилоятҳо изҳори қаноатмандӣ намуда, омодагии худро барои тавсеаи ҳамкорӣ баён дошт.
Ҷонибҳо бо ёдоварӣ аз имконияти мавҷуда барои тақвияти ҳамкории иқтисодӣ изҳори омодагӣ намуда, аз сатҳи кунунии муносибатҳои дӯстона изҳори қаноатмандӣ намуданд.
Дар назар аст, ки давоми рӯз мулоқоти намояндагони мақомоти давлатӣ ва соҳибкорони ду тараф доир шуда, ҷонибҳо баҳри таҳкими ҳамкорӣ мубодилаи афкор намоянд.
АКС: Хадамоти Раиси вилояти Суғд
Ҳаракати фарҳангии «Корвони китоб» дар минтақаи Кӯлоб идома дорад
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон муассисаи таҳсилоти томактабии хусусии «Ғунчаи баҳор»-ро ба истифода доданд
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
