Қатораи мусофирбар аз Хуҷанд ба самти Русия ба роҳ мебарояд
ДУШАНБЕ, 07.09.2022 /АМИТ «Ховар»/. Пас аз танаффуси дусола имрӯз, 7 сентябр қатораи мусофирбар аз Хуҷанд ба самти Волгоград ҳаракат мекунад. Қатора соати 13 ба роҳ баромада, баъди 2,5 шабонарӯз ба Волгоград мерасад. Нархи чиптаҳо, ба гуфтаи кормандони Корхонаи воҳиди давлатии «Роҳи оҳани Тоҷикистон», вобаста ба шароити дохили қатора аз 1,2 ҳазор то 1,3 ҳазор сомониро ташкил медиҳад. Қатора дорои 10 вагон буда, барои 614 мусофир пешбинӣ шудааст.
Қобили зикр аст, ки ин хатсайр сеюмин масири мусофирбарӣ аз Тоҷикистон ба Русия хоҳад буд. Қаблан хатсайрҳои роҳи оҳан ба Русия аз Кӯлоб ва Душанбе барқарор шуда буданд.
Ёдовар мешавем, ки Русия ба далели пандемияи COVID-19 17 марти соли 2020 иртиботи роҳи оҳанро бо Тоҷикистон лағв намуд.
Ба роҳ мондани ҳаракати қатораҳои мусофирбар аз Тоҷикистон ба самти Русия дар ҳолест, ки Душанбе ва Тошканд тавофуқ карданд, ки қимати чиптаи қатораро то 20% арзон кунанд. Тоҷикистон ва Узбекистон дар мавриди коҳиши нархи чиптаҳои қатора, ки дар масири «Душанбе-Тошканд-Душанбе» ҳаракат мекунанд, ба мувофиқа расидаанд. Нарх 20% арзон мешавад, хабар медиҳад Podrobno.uz.
Зимни гуфтушуниди роҳбарияти ҶСК «Узбекистон темир йулларӣ» ва КВД «Роҳи Оҳани Тоҷикистон» созишномаҳои дахлдор ба имзо расидаанд. «Аз 6 сентябри соли 2022 ба арзиши чиптаи қатораи мусофирбари байналмилалӣ дар хатсайри Душанбе-Тошканд-Душанбе 301/302 20% тахфифи иловагӣ ҷорӣ карда мешавад»,-таъкид кард «Узбекистон темир йуллари».
Ёдовар мешавем, ки ҳаракати қатораи мусофирбар миёни Душанбе ва Тошканд 20 июни соли ҷорӣ барқарор гардид. Қатора аз 10 вагон иборат аст: 4 купе, 5 курсии захирашуда ва вагон-тарабхона. Масофа аз Тошканд то Душанбе тавассути роҳи оҳан 916 километр аст. Қатора рӯзи душанбе аз Душанбе ҳаракат намуда, рӯзи сешанбе, соати 13:43 ба Тошканд мерасад. Аз Тошканд рӯзи сешанбе, соати 16:15 баромада, рӯзи чоршанбе вориди Душанбе мешавад.
Нархи чиптаи вагони пласткарт 340670 сӯм (тахминан 312 сомонӣ), чиптаи вагони купе 417040 сӯм (тахминан 383 сомонӣ ) мебошад. Қаблан нархи чипта аз 373 сомонӣ оғоз мешуд.
Марзия САИДЗОДА,
АМИТ «Ховар»
АКС аз манбаъҳои боз
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
