БА ИСТИҚБОЛИ 31-СОЛАГИИ ИСТИҚЛОЛИЯТИ ДАВЛАТӢ. Дар Норак бинои Маркази адлия ба истифода дода мешавад
НОРАК, 01.09.2022. /АМИТ «Ховар»/. Дар остонаи таҷлили 31-солагии Истиқлолияти давлатии Ҷумҳурии Тоҷикистон дар шаҳри Норак бинои Маркази адлия мавриди баҳрабардорӣ қарор мегирад. Бинои мазкур аз 4 ошёна ва таҳхона иборат буда, дар ошёнаҳои алоҳидаи он барои кормандони Сабти асноди ҳолати шаҳрвандӣ, Нотариуси давлатӣ, Ёрии ҳуқуқии ройгон ба шаҳрвандон ва Муассисаи ислоҳии ЯС 318-и Вазорати адлия шароити кории мувофиқ муҳайё карда шудааст.
Мудири бахши Сабти асноди ҳолати шаҳрвандии шаҳри Норак Сарвиноз Саидмуродзода ба хабарнигори минтақавии АМИТ «Ховар» Субҳониддини МАҲМУД иброз дошт, ки “мо, кормандон хурсанд аз онем, ки бо дастгириву ғамхориҳои Пешвои миллат муҳтарам Эмомалӣ Раҳмон дар доираи яке аз бузургтарин ҷашнҳои миллӣ- Истиқлолияти давлатӣ соҳиби бинои замонавӣ мегардем. Минбаъд мо метавонем никоҳи навхонадоронро дар толори замонавии акди никоҳи муассиса расман ба қайд гирем. Утоқҳои кории мутахассисон бо беҳтарин таҷҳизоту дастгоҳҳои замонавӣ муҷаҳҳаз гардида, шаҳрвандон метавонанд ба шакли электронӣ кори мутахассисонро баҳогузорӣ кунанд”.
Аз сабаби он ки Норак шаҳри сайёҳӣ ба ҳисоб меравад, дар ошёнаи чоруми бино меҳмонхонаи замонавӣ ташкил карда шудааст. Он аз ҳуҷраҳои алоҳида иборат буда, барои меҳмонон беҳтарин шароити корӣ муҳайё карда шудааст.
Мудири бахши меъморию шаҳрсозии шаҳри Норак Шамшод Ҳамидов гуфт, ки ба ифтихори ҷашни 35-солагии Истиқлолияти давлатӣ дар шаҳри Норак аз ҳисоби соҳибкорону сокинон ва мақомоти давлатӣ бунёди 180 иншооти таъйиноташон гуногун ба нақша гирифта шудааст. То имрӯз 7 иншоот мавриди баҳрабардорӣ қарор гирифта, дар 120 иншооти дигар корҳои сохтмонӣ идома доранд.
Тибқи нақшаи чорабиниҳои ҷашни 31-солагии Истиқлолияти давлатӣ, аз ҷониби Мақомоти иҷроияи ҳокимияти давлати шаҳри Норак биноҳои Маркази адлия, корхонаҳои истеҳсоли микросемент ва маҳсулоти сохтмонӣ, майдончаи бозии кӯдакон, меҳмонхонаи сарироҳӣ ва терминали мусофирбари шаҳр, ки таҷдид гардид, ба истифода дода мешаванд.
АКС: АМИТ «Ховар»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи шаҳри Хуҷанд ба ифтихори ҷашни 35–солагии Истиқлоли давлатӣ
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
Пешвои миллат: «Ба истиқболи ҷашни 35-солагии Истиқлоли давлатӣ дар вилояти Суғд 15 ҳазору 400 иншоот бунёд ва навсозӣ гардид»
Президенти Тоҷикистон: «Шумораи корхонаҳои саноатӣ дар Суғд дар солҳои соҳибистиқлолӣ 11 баробар афзоиш ёфт»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо роҳбарону фаъолони вилояти Суғд ба ифтихори ҷашни 35-солагии истиқлоли давлатии Ҷумҳурии Тоҷикистон
Пешвои миллат Эмомалӣ Раҳмон бо роҳбарону фаъолони вилояти Суғд мулоқот намуданд
Ба ифтихори 35-солагии Истиқлоли давлатӣ дар Ёвон 649 иншооти гуногун ба истифода дода шуд
Дар Ҳамбурги Олмон 35-солагии Истиқлоли давлатии Тоҷикистон таҷлил гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Дар иншооти ҷашнии ноҳияи Ашт корҳои ободониву созандагӣ идома доранд
Намояндагони баландпояи Бонки ҷаҳонӣ бо мукофотҳои давлатии Ҷумҳурии Тоҷикистон сарфароз гардиданд
