БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Сангвор 65 иншооти дорои таъйиноти гуногун ба истифода дода мешаванд
САНГВОР, 16.09.2022 /АМИТ «Ховар»/. Ба ифтихори ҷашни 35-солагии Истиқлолияти давлатии Ҷумҳурии Тоҷикистон дар ноҳияи Сангвор 65 иншооти дорои таъйиноти гуногун сохта, ба истифода дода мешаванд. Дар ин бора роҳбари дастгоҳи Раиси ноҳияи Сангвор Маҳмадулло Исмонов ба хабарнигори минтақавии АМИТ «Ховар» Субҳониддини МАҲМУД иттилоъ дод.
Аз шумораи умумии иншооти нақшавӣ то имрӯз дар ноҳияи Сангвор се пули пиёдагузар дар Ҷамоати деҳоти Ваҳдат, хонаи истиқоматӣ барои ду зани бепарастор дар Ҷамоати деҳоти Заршӯён ва толори варзишӣ дар Ҷамоати деҳоти Чилдара мавриди баҳрабардорӣ қарор дода шудаанд. Дар иншооти боқимонда корҳои сохтмонӣ идома дошта, дар оянда вобаста ба муроҷиати соҳибкорону сокинон ҷиҳати бунёди коргоҳҳои истеҳсолӣ ва дигар иншооти дорои аҳамияти маҳаллию ҷумҳуриявӣ шумораи иншооти ҷашнӣ зиёд карда мешавад.
Мудири бахши меъморӣ ва шаҳрсозии ноҳияи Сангвор Ҳаким Раҷабов иброз намуд, ки «дар доираи нақшаи чорабиниҳо бахшида ба ҷашни 35-солагии Истиқлолияти давлатӣ ва саноатикунонии мамлакат дар ноҳияи Сангвор коргоҳи коркард ва бандубасти меваи хушк дар деҳаи Дашти Ғурк, корхонаи коркарди ангишт дар Ҷамоати деҳоти Заршӯён, коргоҳи банду басти асал дар маркази ноҳия, коргоҳи истеҳсоли қуму шағал, коргоҳи дару тирезаҳои пластикӣ дар Ҷамоати деҳоти Тавилдара, коргоҳи истеҳсоли маҳсулоти ширӣ ва ду коргоҳи кокарди чӯбу тахта ба истифода дода мешаванд. Тавассути фаъолияти онҳо қисми зиёди сокинони ноҳия бо ҷойи кор таъмин мегарданд».
АКС: Мақомоти иҷроияи ҳокимияти давлатии ноҳияи Сангвор
Дар ноҳияи Кӯшониён 21 Маркази рушди инкишофи кӯдак ба истифода дода шуд
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
Оид ба рушд ва таҳкими мониторинги обуҳавошиносӣ ва ҳифзи пиряхҳо конфронси байналмилалӣ доир мешавад
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
НИШАСТИ МАТБУОТӢ. Бахшида ба 35-солагии Истиқлолияти давлатӣ дар ноҳияи Ёвон 649 иншоот ба истифода дода шуд
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Дар ноҳияи Лахш 90 иншооти таъйиноти гуногун ба истифода дода шуд
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
