БА ИСТИҚБОЛИ ҶАШНИ 31-СОЛАГИИ ИСТИҚЛОЛИЯТИ ДАВЛАТӢ. Дар шаҳри Турсунзода муассисаи таълимӣ ва маркази саломатии деҳот ба истифода дода шуданд
ТУРСУНЗОДА, 07.09.2022 /АМИТ «Ховар»/. Дар арафаи ҷашни 31-умин солгарди Истиқлолияти давлатии Ҷумҳурии Тоҷикистон дар деҳаи Оғаи Ҷамоати деҳоти Ҷӯра Раҳмони шаҳри Турсунзода бо иштироки намояндаи Ҳукумати Ҷумҳурии Тоҷикистон Нуралӣ Асозода ва Раиси шаҳр Парвиз Акрамзода бинои замонавии муассисаи таҳсилоти миёнаи умумии №114 мавриди баҳрабардорӣ қарор дода шуд, иттилоъ дод мухбири минтақавии АМИТ «Ховар» Субҳониддини МАҲМУД.
Муассисаи таҳсилоти миёнаи умумии №114 аз 10 синфхона иборат аст. Мавриди баҳрабардорӣ қарор гирифтани таълимгоҳи мазкур туҳфаи арзишманди соҳибкорони маҳаллӣ ва сокинони деҳот ба хонандагону устодони ин маҳаллаи дурдаст дар арафаи ҷашни Истиқлолияти давлатии Ҷумҳурии Тоҷикистон ба ҳисоб меравад.
Сокинони шаҳри Турсунзода ин ҷашни зебои Ватанро бо рӯҳияи идона ва бо пайкори созанда истиқбол мегиранд.
Ин аст, ки дар доираи ифтитоҳи иншооти ҷашнӣ бо иштироки меҳмонон дар деҳаи дурдасти Навободи Ҷамоати деҳоти Регар маркази саломатии деҳот ба истифода дода шуд. Маркази саломатии деҳоти Янги-қишлоқ бо мусоидати мақомоти иҷроияи ҳокимияти давлатии шаҳри Турсунзода ва кумаки соҳибкорони маҳаллӣ сохта, ба истифода дода шуд, ки ба 900 нафар аҳолии ин ҷамоат кумаки тиббӣ мерасонад.
Дар ҷамъомади ифтитоҳи ин биноҳои замонавӣ намояндаи Ҳукумати Ҷумҳурии Тоҷикистон ва Раиси шаҳри Турсунзода бо аҳолии ин деҳоти дурдаст суҳбати самимӣ анҷом дода, таъкид доштанд, ки зери сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зиндагӣ ва насли наврасро дар рӯҳияи ватандӯстию худшиносии миллӣ тарбия намуда, дар созандагию бунёдкории диёри хеш саҳми арзанда гузоранд.
АКС: Мақомоти иҷроияи ҳокимияти давлатии шаҳри Турсунзода
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
