«БИШНАВ АЗ НАЙ…». Дар Кӯлоб ба муносибати Рӯзи Мавлоно Ҷалолиддини Балхӣ ҳамоиши ҷашнӣ баргузор гардид

Сентябрь 30, 2022 15:00

ДУШАНБЕ, 30.09.2022 /АМИТ «Ховар»/. Имрӯз, 30 сентябр дар шаҳри Кӯлоб ба муносибати Рӯзи Мавлоно Ҷалолиддини Балхӣ ҳамоиши ҷашнӣ баргузор гардид, хабар медиҳад АМИТ «Ховар» бо истинод ба бахши матбуоти мақомоти иҷроияи ҳокимияти давлатии шаҳр.

Дар ҳамоиш муовини Раиси шаҳр Арафамо Даминзода зикр намуд, ки бо ба даст овардани Истиқлолияти давлатии Ҷумҳурии Тоҷикистон ва сулҳу оромии кишварамон зери сиёсати Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми ҷашнҳои милливу таърихӣ бо шукӯҳу шаҳомати хос ва арҷ гузоштан ба фарҳанги гузаштагонам дар рӯҳияи худшиносию худогоҳӣ ва ифтихори миллӣ баргузор мегарданд.

«Воқеан ҳам арҷгузорӣ ба фарҳангу тамаддуни оламгир ва мероси маънавии халқи тоҷик аз муҳимтарин ҷанбаи сиёсати хирадмандонаи Пешвои миллат муҳтарам Эмомалӣ Раҳмон ба ҳисоб рафта, дар шароити феълӣ, ки бархӯрди тамаддунҳо дар ҷаҳон торафт тезу тунд мешавад, омӯхтан ва таҳқиқ кардани мероси бостонӣ, ҳифзи арзишу суннатҳои милливу мардумӣ ва ёдгориҳои таърихӣ аҳамияти махсус пайдо мекунад»,-гуфт Арафамо Даминзода.

Директори генералии Муҷтамаи ҷумҳуриявии осорхонаҳои Кӯлоб Ҳотам Асозода изҳор кард, ки Мавлоно аз сермаҳсултарин адибони тоҷик буда, бо мероси адабии худ ҷаҳониёнро дар ҳайрат гузоштааст. Ҷалолуддини Балхӣ бо осори орифонаю безаволи худ, аз ҷумла «Маснавии Маънавӣ» бо гузашти асрҳо дили ҳаводорони каломи манзумро тасхир намудааст.

Ҳамчунин дар идомаи ҳамоиш шоир Хосият Вализода тазаккур дод, ки Мавлоно Ҷалолиддини Балхӣ миёни сухансароён, шоирону орифони адабиёту фарҳанги оламшумули тоҷик ҷойгоҳи баланд дошта, бо эътибори андешаҳои ирфонӣ, ахлоқӣ, фалсафӣ ва афкори гаронқадри маънавии хеш беш аз 800 сол инҷониб маъруф аст.

АКС: бахши матбуоти МИҲД-и шаҳри Кӯлоб

Сентябрь 30, 2022 15:00

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд