Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид
ДУШАНБЕ, 23.09.2022 /АМИТ «Ховар»/. Дар Бонки миллии Тоҷикистон вохӯрии муовини якуми Раиси Бонки миллии Тоҷикистон Фирдавс Толибзода бо директори Маркази минтақавии рушди иқтидори Хазинаи Байналмилалии Асъорро барои давлатҳои Қавқоз, Осиёи Марказӣ ва Муғулистон Норберт Функе баргузор гардид, ки дар доираи он тавсеа ва рушди минбаъдаи ҳамкорӣ мавриди баррасии ҷонибҳо қарор дода шуд.
Тавре ба АМИТ «Ховар» дар бонки мазкур хабар доданд, Фирдавс Толибзода саҳми ХБА дар ташаккули институтҳо ва рушди иқтидори омилҳои инсонӣ дар бахши молиявиро муҳим арзёбӣ намуда, барои ҳамкории доимӣ ва дастгирии низоми бонкӣ ва дар маҷмӯъ, иқтисодиёти миллии мамлакат аз ҷониби хазина изҳори сипос намуд.
Ҳамзамон муовини якуми Раиси Бонки миллии Тоҷикистон барои ҳамкории оянда бо Маркази минтақавии рушди иқтидори ХБА дар самти танзим ва назорати низоми бонкӣ бо истифодаи таҷрибаи байналмилалӣ, бахши сиёсати пулию қарзӣ, рушди низоми пардохт, заминаи меъёрии ҳуқуқӣ, аудити дохилӣ, омор ва тавозуни пардохт, танзим ва назорати суғуртавӣ, таҳияи низоми муосири идоракунии хавфҳои амалиётӣ, низоми комплаенс бо ҷалби кумаки техникӣ изҳори назар кард.
Норберт Функе зикр намуд, ки Маркази минтақавии рушди иқтидори ХБА бо 9 давлати дунё, аз ҷумла Ҷумҳурии Тоҷикистон ҳамкории мутақобила ба роҳ мондааст. Номбурда барои густариши ҳамкорӣ бо Бонки миллии Тоҷикистон ҷиҳати суботи молиявӣ, пешбурди сиёсати самараноки макропруденсиалӣ, идоракунии хавфҳо, танзим ва назорати бонкӣ, ки барои суботи молиявӣ ва рушди иқтисоди кишвар заминаи мусоид фароҳам меоварад, омодагии хешро баён намуд.
АКС: шуъбаи матбуоти Бонки миллии Тоҷикистон
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
Ҳайати Тоҷикистон бо намояндагони Бонки аврупоии таҷдид ва рушд ва ширкати «OG Research» вохӯрӣ намуд
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
