Дар мусобиқаи волейбол ва футболи хурд дастаҳои Рӯшон ва Хоруғ соҳиби Ҷоми раиси ВМКБ гардиданд
ХОРУҒ, 05.08.2022 /АМИТ «Ховар»/. Бахшида ба 31-солагии Истиқлолияти давлатии Ҷумҳурии Тоҷикистон бо ибтикори Раёсати ҷавонон ва варзиши Вилояти Мухтори Кӯҳистони Бадахшон мусобиқаи вилоятӣ оид ба намудҳои волейбол ва футболи хурд барои ба даст овардани Ҷоми раиси вилоят роҳандозӣ шуда, ғолибон муайян гардиданд, хабар медиҳад мухбири минтақавии АМИТ «Ховар» Файз МИРАСАН.
Дар маросими супурдани Ҷоми раиси вилоят муовини аввали Раиси Вилояти Мухтори Кӯҳистони Бадахшон Юсуф Мирзозода, Раиси шаҳри Хоруғ Ризо Назарзода ва намояндагони ширкати мобилии Тселл ширкат доштанд.
Ҳамин тавр, дастаи занонаи Роштқалъа аз намуди волейбол дар байни 18 даста ҷои сеюмро гирифта, бо ифтихорнома ва 2 ҳазор сомонӣ мукофоти пулӣ сарфароз гардид. Дар ин намуди варзиш дастаи Хоруғ 1 ҷои дуюмро ба даст оварда, бо ифтихорнома ва 3 ҳазор сомонӣ мукофоти пулӣ сарфароз гардид. Дастаи занонаи Хоруғ 1, ки аксари бозигаронаш аъзои дастаи мунтахаби вилоят мебошанд, дар садри ҷадвали мусобиқа қарор гирифт ва соҳиби Ҷоми раиси вилоят ва 5 ҳазор сомонӣ мукофоти пулӣ гардид.
Миёни дастаҳои мардона ҷои сеюмро дастаи ноҳияи Ванҷ аз худ кард. Мақоми дуюмро дастаи Шуғнон гирифт. Ҷои аввалро дар ин намуди мусобиқа дастаи Рӯшон ба даст овард
Дар намуди футболи хурд 10 даста ширкат намуданд. Ба бозии ниҳоӣ дастаҳои Хоруғ ва Шуғнон роҳ ёфтанд. Ин бозӣ бо мағлубияти дастаи Шуғнон ба итмом расид.
Муовини аввали Раиси ВМКБ Юсуф Мирзозода ва Раиси шаҳри Хоруғ Ризо Назарзода Ҷоми раиси вилоят ва ҷоизаҳоро ба варзишгарон тақдим намуда, барои ширкати фаъол ва саҳми арзанда дар тарғибу ташвиқи варзиш ба наврасону ҷавонон арзи сипос намуданд.
Ҳамзамон онҳоро даъват карданд, ки бештари вақти худро сарфи варзиш намоянд, зеро варзиш кафили саломатию танумандӣ ва дӯстию рафоқат аст.
АКС: АМИТ «Ховар»
Дастпарварони Клуби марказии варзишии «Артиш» дар мусобиқаи байналмилалӣ соҳиби 11 медал шуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Кадучӣ толори варзишию маркази хизматрасонӣ ба истифода дода шуд
Варзишгарони навраси Ёвон дар Мусобиқаи байналмилалӣ оид ба футбол соҳиби ҷойҳои намоён шуданд
Дар Донишкадаи кӯҳию металлургии Тоҷикистон оид ба рушди соҳаи маъдан ва кӯҳкорӣ конференсияи байналмилалӣ баргузор шуд
ОБОД СОХТАНИ ВАТАН ИБОДАТ АСТ! Соҳибкори ватанӣ дар болои дарёи Кофарниҳон ба маблағи 5 миллион сомонӣ кӯпруки мошингузар сохт
Дар Тоҷикистон Дави миллӣ ва марафони велосипедронӣ баргузор мегардад
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ меҳмонхонаи замонавӣ бунёд карда мешавад
ЧЕМПИОНАТИ ҶАҲОНИИ ГӮШТИН-2026. Загреб мизбони сабқатҳои тарзи озод ва юнонӣ-римӣ мешавад
Чемпионати ҷаҳон оид ба қаиқронӣ дар байдарка ва каноэ дар Познани Полша баргузор мешавад
Иҷрои нақшаи бунёди иншооти ҷашнӣ дар вилояти Хатлон 112 фоиз таъмин гардидааст
Чемпионати ҷаҳон оид ба тенниси рӯйи миз дар Лондон баргузор мешавад
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
