Дар ноҳияи Шаҳринав оид ба нақш ва мақоми зан дар даврони Истиқлолияти давлатӣ конференсия доир гардид
ШАҲРИНАВ, 09.09.2022 /АМИТ «Ховар»/. Бо ташаббуси Бахши кор бо занон ва оилаи Мақомоти иҷроияи ҳокимияти давлатии ноҳияи Шаҳринав бахшида ба 31-солагии Истиқлолияти Ҷумҳурии Тоҷикистон таҳти унвони «Нақш ва мақоми зан дар даврони Истиқлолият» конференсияи илмӣ- амалӣ баргузор шуд, ки дар кори он намояндаи Кумитаи кор бо занон ва оилаи назди Ҳукумати Ҷумҳурии Тоҷикистон Дилбар Муродова, муовини Раиси ноҳия Шоиста Неъматуллозода, занони собиқадор ва дигар намояндагони касбу кори гуногун иштирок доштанд, хабар медиҳад мухбири минтақавии АМИТ «Ховар» Субҳониддини МАҲМУД.
Дар ҷамъомад меҳмонон оид ба Стратегияи миллии фаъолгардонии нақши зан дар Ҷумҳурии Тоҷикистон барои солҳои 2021-2030 ва мавзӯи «Нақш ва мақоми зан дар даврони Истиқлолият» иброз доштанд, ки баъди расидан ба истиқлолият дар Тоҷикистон нақш ва мақоми зан дар ҷомеа баланд гардида, таҳти сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таваҷҷуҳ ба фаъолияти давлатию ҷамъиятии бонувон зиёд шуд.
Зикр шуд, ки нақш ва мақоми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бунёди ҷомеаи мутамаддин ва ба даст овардани Истиқлолияти давлатӣ басо арзишманд буда, фаъолияти пурвусъату густурдаи давлативу ҷамъиятии Эмомалӣ Раҳмон оинаест, ки дар он ҷойгоҳи миллати тоҷик бо ҳама шуҳрату шаҳоматаш инъикос ёфтааст. Иқдомоти созандаи Сарвари давлат омили рушд ва такмилдиҳандаи давлати миллӣ буда, аз даврони аввали соҳибистиқлолӣ ба ҷавонон ва сиёсати давлатии ҷавонон рӯй оварда, бо ин самимият ва ғамхории падарона муҳаббати ин қишри созандаи ҷомеаро ба Ватан ва эҳтиромашонро ба муқаддасоти миллӣ зиёд менамояд.
АКС: Мақомоти иҷроияи ҳокимияти давлатии ноҳияи Шаҳринав
СОЛИ ОБОДОНИЮ СОЗАНДАГӢ. Дар ноҳияи Кӯшониён муассисаҳои таълимӣ бунёд мегарданд
Дар Хоруғ 72 лоиҳаи сармоягузорӣ ба беҳтарсозии инфрасохтори маҳаллаҳо равона мешавад
Дар ноҳияи Нуробод намоиши сайёри «Инъикоси обу пирях дар асарҳои рассомони Тоҷикистон» ифтитоҳ гардид
Аз водии Рашт то Искандаркӯл: мақомоти шаҳри Душанбе бо ташкили хатсайрҳои сайёҳӣ рушди сайёҳии дохилиро тақвият мебахшад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои замонавии муассисаи таълимӣ сохта мешавад
СОЛИ ОБОДОНИЮ СОЗАНДАГӢ. Дар деҳаи Челонзори ноҳияи Ёвон маркази саломатии дуошёна бунёд мегардад
Рӯзи фарҳанги шаҳри Левакант дар фазои идона баргузор гардид
Дар Рӯзи фарҳанги шаҳри Хуҷанд дастовардҳои шаҳр муаррифӣ карда шуданд
Имрӯз дар Душанбе Рӯзи фарҳанги ноҳияи Темурмалик доир гардид
«МӮҚАЛАМЕ, КИ ТАЪРИХРО ТАҶАССУМ НАМУДААСТ». Дар Осорхонаи миллии Тоҷикистон намоиши асарҳои Ашур Ҳайдаров ифтитоҳ ёфт
Дар пойтахт рӯзҳои фарҳанги шаҳри Хуҷанд, Левакант ва ноҳияи Темурмалик доир мегардад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор мумфаршкунии 12 километр роҳ оғоз гардид
