Дар шаҳри Истиқлоли вилояти Суғд нонвойхона, коргоҳи қаннодӣ ва меҳмонхонаи замонавӣ бунёд мешаванд
СУҒД, 11.09.2022 /АМИТ «Ховар»/. Дар толори Мақомоти иҷроияи ҳокимияти давлатии шаҳри Истиқлол мулоқоти Раиси шаҳр Қаюмҷон Маҳмудзода бо котиби иҷроияи Филиали Ҷамъияти Ҳилоли Аҳмари Тоҷикистон дар вилояти Суғд Парвиз Ҷабборзода доир гардид, хабар доданд ба АМИТ «Ховар» дар филиали Ҷамъияти Ҳилоли Аҳмари Тоҷикистон дар вилояти Суғд.
Дар ҷараёни мулоқот масъалаҳои ҳамкории дуҷониба мавриди баррасӣ қарор дода шуданд. Аз ҷумла, вобаста ба таъсиси нонвойхона ва коргоҳи қаннодӣ дар ҳудуди шаҳри Истиқлол, бунёди меҳмонхонаи замонавӣ аз ҳисоби сарчашмаҳои гуногун гуфтушунидҳо сурат гирифтанд.
Дар назар аст, ки дар бинои бекорхобидаи мағоза бо насби таҷҳизоти зарурӣ нонвойхона ва коргоҳи қаннодӣ ташкил карда шаванд. Ин иқдомҳо бо ташаббуси котиби иҷроияи Филиали ҶҲАТ дар вилояти Суғд ва пешниҳоди Мақомоти иҷроияи ҳокимияти давлатии шаҳри Истиқлол ҷиҳати саҳм гузоштан дар ободонӣ ба истиқболи сазовори ҷашни миллии 35-солагии Истиқлолияти давлатӣ роҳандозӣ карда шуда, ҳадафи он ба некӯаҳволии сокинон нигоронида шудааст.
Дар айни ҳол корҳои сохтмонӣ дар нонвойхона оғоз гардида, дар назар аст, ки бо фаъол гардидани он 4 нафар занони хонанишин омӯзонида ва ба кор ҷалб карда шаванд. Дар ин коргоҳ дастгоҳу таҷҳизоти муосир насб гардида, якчанд намуд маҳсулот истеҳсол карда мешавад.
Дар ҳудуди шаҳр нонвойхона мавҷуд набуда, барои аҳолӣ нон ва дигар маҳсулоти нонӣ аз шаҳри Хуҷанд дастрас карда мешавад.
Дар баробари нонвойхона коргоҳи қаннодӣ низ таъсис дода мешавад, ки дар он маҳсулоти гуногун омода карда мешавад. Дар назар аст, ки коргоҳи мазкур бо назардошти шароиту имконияти замони муосир таъсис дода шавад.
Тибқи нақша, ҳамчунин дар биное, ки Мақомоти иҷроияи ҳокимияти давлатии шаҳри Истиқлол ҷудо менамояд, меҳмонхонаи замонавӣ бунёд карда мешавад. Зеро дар ҳудуди шаҳр то ҳол меҳмонхона вуҷуд надорад. Дар ин самт корбариҳо ҷараён дошта, баъди ҷудо намудани бино корҳои сохтмонӣ оғоз мегарданд.
Ҳамаи ин ташаббусҳо дар доираи фаъолияти Ҷамъияти Ҳилоли Аҳмари Тоҷикистон дар вилояти Суғд ба истиқболи сазовори 35-солагии Истиқлолияти давлатӣ бо ҳадафи ба шуғл фаро гирифтани занони хонанишин, саҳмгузорӣ дар саноатикунонии босуръат, ободонии шаҳр ва дигар ҳадафҳои созандаи Ҳукумати Ҷумҳурии Тоҷикистон амалӣ карда мешаванд.
АКС: Филиали Ҷамъияти Ҳилоли Аҳмари Тоҷикистон дар вилояти Суғд
БАРНОМАИ РУШДИ РОҲҲОИ ОБОДИ ДЕҲОТ. Дар доираи он ба маблағи 123,4 миллион сомонӣ роҳҳои мошингард таъмиру барқарор карда шуданд
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИ ДАВЛАТӢ ВА НАҚШИ ОН ДАР РУШДИ ЗАБОНИ ТОҶИКӢ. Мулоҳизаҳо дар ин маврид
Дар Душанбе 49 номгӯй адабиёти тозанашри кӯдакона рӯнамоӣ гардид
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ДАРКИ АМИҚИ МОҲИЯТИ ИСТИҚЛОЛИ СИЁСӢ. Он шарти муҳими таҳкими давлатдории миллӣ ва ҳифзи манфиатҳои давлату миллат аст
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
Дар ноҳияи Ашт неругоҳи офтобӣ ба истифода дода мешавад
