Миёни федератсияҳои иттифоқҳои касабаи мустақили Тоҷикистон ва Русия Ёддошти ҳамкорӣ ба имзо расид
ДУШАНБЕ, 07.09.2022 /АМИТ «Ховар»/. 6 сентябр миёни Федератсияи иттифоқҳои касабаи мустақили Тоҷикистон ва Федератсияи иттифоқҳои касабаи мустақили Русия Ёддошти ҳамкорӣ ба имзо расид.
Тавре дар Федератсияи иттифоқҳои касабаи мустақили Тоҷикистон ба АМИТ «Ховар» иттилоъ доданд, Ёддошти ҳамкорӣ зимни сафари кории Раиси Федератсияи иттифоқҳои касабаи мустақили Тоҷикистон Маликшо Неъматзода ба Федератсияи Русия ба имзо расид.
Дар ҷараёни мулоқот Раиси Федератсияи иттифоқҳои касабаи мустақили Тоҷикистон ва Федератсияи иттифоқҳои касабаи мустақили Русия Михаил Шмаков ҳолати кунунӣ ва дурнамои ҳамкории мутақобилан судманд миёни ҷонибҳоро мавриди баррасӣ қарор доданд.
Ҷонибҳо бо қаноатмандӣ аз ҷараёни ҳамкории дуҷониба ҷиҳати вусъати ин раванд имзои Ёддошти ҳамкориро, ки қаблан мувофиқа шуда буд, саривақтӣ шумориданд.
Меморандуми ба имзорасида барои вусъати ҳамкории гуногунҷабҳаи дуҷониба мусоидат хоҳад кард.
Ҳамчунин дар доираи сафари корӣ Раиси Федератсияи иттифоқҳои касабаи мустақили Тоҷикистон Маликшо Неъматзода дар шаҳри Москваи Федератсияи Русия бо Котиби генералии Конфедератсияи умумии иттифоқҳои касаба Владимир Шербаков мулоқоти корӣ доир намуд. Зимни он ҳолати кунунӣ ва дурнамои ҳамкории дуҷониба мавриди баррасӣ қарор дода шуд.
Дар ҷараёни мулоқот Раиси Федератсияи иттифоқҳои касабаи мустақили Тоҷикистон Маликшо Неъматзода баҳри саҳмгузорӣ дар рушди ҳаракати иттифоқҳои касабаи Иттиҳоди Давлатҳои Мустақил (СНГ) бо «Нишони нуқрагини 30-солагии Конфедератсияи умумии иттифоқҳои касаба» қадрдонӣ гардид.
Акс: ФИКМТ
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
Дар ноҳияи Шаҳринав ҷаласаи навбатии Шурои ҷамъиятии Ҷумҳурии Тоҷикистон баргузор гардид
Дар беморхонаи марказии ноҳияи Дӯстӣ шуъбаи бемориҳои сироятӣ сохта мешавад
Дар Муъминобод барои дастгирии занони ҳунарманд Маркази «Чирадаст» таъсис дода шуд
Ҷаласаи навбатии Шурои ҳамоҳангсозӣ оид ба ҳунармандии назди Ҳукумати Ҷумҳурии Тоҷикистон доир шуд
НИШАСТИ МАТБУОТӢ. Дар Тоҷикистон қарздорӣ аз пардохти нафақа вуҷуд надорад
Бартарафсозии оқибатҳои сел дар Рӯшон таҳти назорати Ҳукумати Тоҷикистон қарор дорад
Дар нимсолаи якуми соли 2026 беш аз 40 баҳси шаҳрвандон бо ширкатҳои сохтмонӣ бо роҳи созиш ҳал гардид
