Муомилоти молии Тоҷикистон бо кишварҳои СҲШ наздик ба 2,9 миллиард доллар расид
ДУШАНБЕ, 13.09.2022 /АМИТ «Ховар»/. Аз оғози соли 2022 ҳаҷми гардиши мол миёни Тоҷикистон ва дигар кишварҳои узви Созмони ҳамкории Шанхай ба сатҳи беш аз 2 миллиарду 871 миллион доллар расидааст, хабар медиҳад агентии иттилоотии «Sputnik»-и Русия бо истинод ба Хадамоти гумруки назди Ҳукумати Ҷумҳурии Тоҷикистон.
Дар хабар омадааст, ки дар давраи зикршуда ҳаҷми табодули мол миёни Тоҷикистон ва ду кишвари узви Созмони ҳамкории Шанхай — Қирғизистон ва Покистон коҳиш ёфтааст. Дар баробари ин, афзоиши гардиши мол бо дигар кишварҳо, аз ҷумла Қазоқистон, Русия, Чин, Узбекистон ва Ҳиндустон ба мушоҳида мерасад.
Ҳаҷми муомилоти мол миёни Тоҷикистон ва кишварҳои дигар аз феҳристи СҲШ дар давраи сипаригашта беш аз 2,8 миллиард долларро ташкил додааст. Аз ин миқдор ба воридоти мол аз кишварҳои СҲШ ҳудуди 2,1 миллиард доллар рост меояд. Шарикони асосии тиҷоратии Тоҷикистон дар СҲШ Русия, Қазоқистон, Чин ва Узбекистон боқӣ мемонанд. Маблағи муомилот бо ин кишварҳо аз оғози соли 2022 ба 2,770 млрд доллар расидааст.
Муомилоти мол миёни Тоҷикистон ва дигар кишварҳои СҲШ дар ин давра манфӣ арзёбӣ мегардад, ки ин ҳам ба он хотир аст, ки воридоти маҳсулот аз ин давлатҳо ба ҷумҳурӣ нисбат ба содирот хеле бартарӣ дорад.
АКС аз бойгонии АМИТ «Ховар»
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
«Барномаи давлатии рушди маърифат ва фарҳанги экологии аҳолии Ҷумҳурии Тоҷикистон барои солҳои 2026-2030» қабул гардид
Дар Душанбе натиҷаҳои миллии Шарҳи чоруми фаъолияти экологӣ дар Ҷумҳурии Тоҷикистон муаррифӣ шуданд
Дар Давҳа тақвияти ҳамкории Тоҷикистон бо AIIB баррасӣ гардид
Дар доираи Форуми Sibos 2026 рушди ҳамкории Бонки миллии Тоҷикистон бо Commerzbank AG баррасӣ шуд
