Намояндагии доимии Тоҷикистон дар СММ вохӯрии навбатии Гурӯҳи дӯстони обро дар сатҳи сафирон доир кард
ДУШАНБЕ, 10.09.2022 /АМИТ «Ховар»/. 8 сентябр Намояндагии доимии Тоҷикистон дар СММ бо дастгирии кишварҳои узви Кумитаи ҳидояткунандаи Гурӯҳи дӯстони об, вохӯрии навбатии Гурӯҳро дар сатҳи сафирон доир намуд. Дар ин бора ба АМИТ «Ховар» дар Намояндагии доимии Тоҷикистон дар СММ хабар доданд.
Меҳвари ҳамоиш ба баррасии мавзӯъҳои муколамаи интерактивии Конфронси бознигарии миёнамуддати Даҳсолаи байналмилалии амал «Об барои рушди устувор, солҳои 2018-2028», ки соли 2023 дар ш.Ню Йорк доир мегардад, равона шуда буд.
Дар чорабинии мазкур, Намояндаи доимии Тоҷикистон дар СММ Ҷонибек Ҳикмат, Намояндаии доимии Шоҳигарии Нидерландия Ёка Брандт, муовини Дабири кулли СММ оид ба масъалаҳои иқтисодӣ ва иҷтимоӣ ҷаноби Ли Ҷунҳуа ба ҳайси Дабири кулли Конфронси 2023 ва Президенти тозаинтихоби 77-уми Маҷмаи Умумии СММ ҷаноби Чаба Короши ба ҳайси панелистон ширкат варзида, ба кишварҳои узв аз раванди тадорукот ба Конфронси 2023, аз ҷумла мавзӯъҳои муколомаи интерактивии Конфронс, ки аз ҷониби мизбонон пешниҳод гардидааст, маълумоти барузшуда пешниҳод карданд. Дар баробари ин, Намояндаи доимии Миср дар СММ Осама Абдулхалиқ низ ба ҳайси панелист ширкат варзида, дар бораи омодагӣ ба 27-ум Конфронси СММ ои ба тағйирёбии иқлим иттилоъ дод.
Инчунин, ширкаткунандагон дар хусуси Рӯзномаи Даҳсолаи об ва аҳаммияти он барои Конфронси об табодули назар карданд.
Ёдовар мешавем, ки Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ” 6-9 июни соли 2022 дар Душанбе баргузор гардид.
Конфронси оби СММ 22-24 марти соли 2023 дар шаҳри Ню-Йорк таҳти раисии Ҷумҳурии Тоҷикистон ва Подшоҳии Нидерланд баргузор хоҳад шуд. Нишасти мазкур баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.
АКС: Намояндагии доимии Тоҷикистон дар СММ
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
