Намояндаи Тоҷикистон дар ҷаласаи Шӯрои сайёҳии кишварҳои узви Иттиҳоди Давлатҳои Мустақил тариқи маҷозӣ иштирок намуд
ДУШАНБЕ, 29.09.2022 /АМИТ «Ховар»/. 28 сентябр дар Минск ҷаласаи Шӯрои сайёҳии кишварҳои узви Иттиҳоди Давлатҳои Мустақил баргузор гардид, ки дар кори он Раиси Кумитаи рушди сайеҳии назди Ҳукумати Ҷумҳурии Тоҷикистон Тоҷиддин Ҷӯразода тариқи маҷозӣ иштирок намуд.
Дар ин бора ба АМИТ «Ховар» дар шуъбаи муносибатҳои байналмилалии Кумитаи рушди сайёҳии назди Ҳукумати Ҷумҳурии Тоҷикистон иттилоъ доданд.
Дар ҷаласа намояндагони Арманистон, Беларус, Қазоқистон, Қирғизистон, Русия, Тоҷикистон, Узбекистон, Котиботи Шӯрои ПАА ИДМ ва Кумитаи иҷроияи Иттиҳоди Давлатҳои Мустақил ширкат намуданд.
Дар кори ҷаласа иштирокдорон масъалаҳои мубрами рушди сайёҳӣ, яъне дурнамои ҳамкории кишварҳои ИДМ, ҳамкории давлатҳо барои пешрафти ин соҳа, табодули таҷриба дар идоракунии бахши сайёҳӣ, аз ҷумла истифодаи иқтидори Роҳи бузурги абрешим, агротуризм ва сайёҳии саломатиро мавриди баррасӣ қарор доданд.
Ҳамчунин масъалаи таъсиси Ҷоизаи байналмилалӣ барои рушди сайёҳӣ дар кишварҳои муштаракулманофеъ баррасӣ шуда, нақшаи чорабиниҳо барои соли 2023 қабул гардид.
Ёдовар мешавем, ки ҷаласаи навбатии Шӯрои сайёҳӣ ва Намоишгоҳи сайёҳии кишварҳои узви ИДМ соли 2023 дар Қазоқистон баргузор мешавад.
АКС аз бойгонӣ
Тоҷикистон ва Туркия содагардонии расмиёти раводидро баррасӣ намуданд
Дар Боку омодагӣ ба Конфронси байналмилалии сатҳи баланд оид ба ҳифзи пиряхҳо баррасӣ гардид
Ҳайати Қатар дар Конфронси байналмилалии ҳифзи пиряхҳо дар Душанбе иштирок менамояд
РАВАНДИ ОБИ ДУШАНБЕ. Масъалаи омодагӣ ба Конфронси оби СММ-2028 дар Тоҷикистон баррасӣ гардид
ДУШАНБЕ-ШАҲРИ САЙЁҲӢ. Соли 2024 ба пойтахти Тоҷикистон беш аз 240 ҳазор сайёҳ ворид гардид
Тоҷикистон ва Кувайт дурнамои муносибатҳои дуҷонибаро баррасӣ намуданд
Иштирокчиёни Форуми сайёҳии «Суғд — чорроҳаи Роҳи бузурги Абрешим» Қалъаи Хуҷандро тамошо намуданд
Сафири Тоҷикистон бо Ректори Донишгоҳи илмҳои гуманитарии ба номи Муҳаммад ибни Зойид мулоқот намуд
Намояндаи Тоҷикистон бо муовини Котиби генералии Иттиҳоди байналмилалии алоқа мулоқот намуд
Дар Душанбе татбиқи тавофуқот аз натиҷаи музокироти сатҳи олии Тоҷикистон ва Русия баррасӣ шуд
Телефони боварии Кумитаи рушди сайёҳӣ мушкилоти ҷаҳонгардони хориҷӣ, ширкатҳои сайёҳӣ ва шаҳрвандонро бартараф менамояд
Байни вазоратҳои корҳои хориҷии Тоҷикистон ва Муғулистон машваратҳои сиёсӣ доир шуданд
