ПАХТА-2022. Дар Конибодом ҷамъоварии «тиллои сафед» оғоз ёфт
СУҒД, 10.09.2022 /АМИТ «Ховар»/. Дар хоҷагиҳои кишоварзии шаҳри Конибодом ҷамъоварии ҳосили пахта оғоз гардид, хабар доданд ба АМИТ «Ховар» дар Хадамоти матбуоти Раиси вилояти Суғд.
Раиси вилояти Суғд Раҷаббой Аҳмадзода дар хоҷагии деҳқонии ба номи Деҳқонбой Исоеви шаҳри Конибодом якҷо бо масъулони соҳаи кишоварзӣ ба чиниши пахта оғоз бахшида, барои пурра ва беталаф ҷамъоварӣ намудани ҳосил супориш дод.
Иттилоъ дода шуд, ки соли равон дар шаш ҷамоати деҳоти шаҳр дар 5403 гектар чигит кишт гардида, деҳқонон ҳосили хубро интизоранд. Дар рӯзи аввал кишоварзону ҳашарчиён беш аз 400 тонна пахта чиданд.
Раҷаббой Аҳмадзода бо ҳолати кунунии корхонаҳои коркарди пахта ва омодагии онҳо ба мавсими қабули пахта шинос гардид. Раиси вилоят аз корхонаҳои «Конибодом коттон», «Асади Конибодом» ва «Пахтаи Ориён» боздид карда, барои қабули саривақтии пахта, коркарди он, истифодаи иқтидорҳои истеҳсолӣ ва истеҳсоли равған ба роҳбарони корхонаҳо супоришҳои мушаххас дод.
АКС: Хадамоти матбуоти Раиси вилояти Суғд
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Имрӯз дар водиҳои Тоҷикистон ҳаво то 27 дараҷа гарм мешавад
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
