ПАНҶСОЛАИ РУШДИ САНОАТ. Дар Ҷамоати шаҳраки Ҳисор коргоҳи «Шири покиза» ба фаъолият шурӯъ намуд
ҲИСОР, 11.09.2022 /АМИТ «Ховар»/. Дар рӯзҳои таҷлили 31-солагии Истиқлолияти давлатӣ ва бахшида ба Солҳои рушди саноат (2022-2026) бо иштироки Раиси шаҳри Ҳисор Қосим Роҳбар дар Ҷамоати шаҳраки Ҳисор коргоҳи навтаъсиси коркарди шир бо номи «Шири покиза», ки дар назди Ҷамъияти дорои масъулияти маҳдуди «Бунафша» сохта шудааст, мавриди баҳрабардорӣ қарор дода шуд, хабар медиҳад мухбири минтақавии АМИТ «Ховар» Субҳониддини МАҲМУД.
Коргоҳи мазкур дар доираи Нақшаи чорабиниҳо ба истиқболи 35-солагии Истиқлолияти Ҷумҳурии Тоҷикистон бунёд ёфта, дар он таҷҳизоту технологияҳои истеҳсоли кишварҳои Русияву Чин насб гардидаанд.
Ҷиҳати амалӣ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба истеҳсоли маҳсулоти рақобатпазир ва сердаромади содиротӣ, маҳсулоти воридотивазкунанда ва баҳри расидан ба яке аз ҳадафҳои стратегӣ-таъмини амнияти озуқавории мамлакат дар шаҳри Ҳисор давра ба давра шумораи корхонаву коргоҳҳои хурди саноатӣ зиёд гардида, дар дӯкону растаҳо фурӯши намунаҳои маҳсулоти истеҳсоли худӣ афзоиш меёбад.
Тибқи маълумоти масъулини ин корхона, бо дастрас гардидани миқдори зарурии шир иқтидори коргоҳ афзуда, дар оянда шумораи коргарон низ зиёд мегардад.
Коргоҳ ширро аз ҶДММ «50-солагии Октябр» дастрас намуда, дар ибтидо рӯзе то 200 литрро коркард карда, маҳсулоти хушсифати йогурт, ҷурғот, қаймоқ, сметана ва чакаро ба бозору мағозаҳои хӯрокворӣ ба фурӯш мебарорад.
Раиси шаҳр ба мушкилоти корхона, таъминот бо обу барқ таваҷҷуҳ зоҳир карда, омодагии мақомотро барои мусоидат изҳор дошт. Ҷиҳати зиёд намудани ҳаҷми истеҳсолот, шумораи коргарон ва таъмини сифати маҳсулот, инчунин боло набурдани нархи он дар бозор ба роҳбари коргоҳ маслиҳату тавсияҳои судманд дод.
АКС: Мақомоти иҷроияи ҳокимияти давлатии шаҳри Ҳисор
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Одил Дониш хостори тақвияти ҳамкорӣ бо Тоҷикистон гардидааст
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
