Шоир ва тарҷумони узбекзабон Одил Икром бо Ҷоизаи давлатии ба номи Абӯабдуллои Рӯдакӣ сарфароз гардонида шуд
ДУШАНБЕ, 08.09.2022 /АМИТ «Ховар»/. Узви Иттифоқи нависандагони Узбекистон, шоир ва тарҷумони зодаи Тоҷикистон Одил Икром барандаи Ҷоизаи давлатии Ҷумҳурии Тоҷикистон ба номи Абӯабдуллои Рӯдакӣ гардид, хабар медиҳад АМИТ «Ховар».
Ҷоиза 25 август дар Қасри миллат аз ҷониби Президенти Ҷумҳурии Тоҷикистон муҳтарам Эмомалӣ Раҳмон ба Одил Икром супорида шуд.
Одил Икром барои тарҷумаи осори «Маснавии маънавӣ»-и Ҷалолиддини Румӣ, китоби «Антологияи адабиёти муосири тоҷик», чанд осори дигари адабиёти классикӣ ва муосири тоҷик ба забони узбекӣ бо ин ҷоиза сарфароз гардид.
Ӯро хонандагони тоҷику узбек бо асарҳояш, аз ҷумла «Дарахти уфуқ», «Таҳаҷҷуд», «Узлат», «Таҳаммул», «Мақбараи хаёл», ки дар Тоҷикистон ва Узбекистон ба табъ расидаанд, хуб мешиносанд.
Ёдовар мешавем, ки 25 август дар Қасри миллат Президенти Ҷумҳурии Тоҷикистон муҳтарам Эмомалӣ Раҳмон ба истиқболи ҷашни 31-солагии Истиқлолияти давлатӣ ба намояндагони касбу кори гуногун, ки дар фаъолияти корӣ дастовардҳои назаррас доранд мукофотҳои давлатӣ, унвону ҷоизаҳои давлатии Ҷумҳурии Тоҷикистонро супориданд.
Раъно НУСРАТУЛЛО,
АМИТ «Ховар»
АКС: Хадамоти матбуоти Президенти ҶТ/АМИТ «Ховар»
«ВАССОФИ ВАТАН». Пагоҳ дар кинотеатри «Ватан» 12 нафар ғолибони фестивал-озмун муайян мешаванд
ИМРӮЗ-РӮЗИ УМУМИҶАҲОНИИ ТЕЛЕВИЗИОН. Дар Тоҷикистон шабакаи алоҳидаи телевизионӣ барои таълими забонҳои хориҷӣ таъсис меёбад
Дар Тоҷикистон Рӯзҳои фарҳанги Беларус баргузор мегарданд
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Дар Хуҷанд якчанд иншооти хизматрасонӣ ба истифода дода шуд
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд Маркази нейро-кардию эндоҷарроҳии «Луқмони Ҳаким»-ро мавриди истифода қарор доданд
Дар Маркази фарҳангии мероси исломии «Ярмук»-и Кувайт Шоми мусиқии классикии тоҷикӣ баргузор гардид
Дар Донишкадаи санъати театрии Русия спектакли «Заҳҳок» намоиш дода шуд
Дар деҳоти Исфисори ноҳияи Бобоҷон Ғафуров варзишгоҳи бузург бо 7000 ҷойи нишаст ба истифода дода шуд
Филми ҳунарии «Дов» дар кинофестивали байналмилалӣ дар Русия соҳиби ҷоиза гардид
