ҶАЛБИ ҚУВВАИ КОРӢ АЗ ТОҶИКИСТОН. 58 нафар соҳиби раводиди Ҷумҳурии Корея барои кори мавсимӣ шуданд
ДУШАНБЕ, 10.10.2022 /АМИТ «Ховар»/. 58 нафар шаҳрвандони Тоҷикистон барои кори мавсимӣ дар самти кишоварзӣ соҳиби раводиди Ҷумҳурии Корея гардиданд, иттилоъ доданд ба АМИТ «Ховар» дар маркази матбуоти Вазорати меҳнат, муҳоҷират ва шуғли аҳолии мамлакат.
Тавре ба АМИТ «Ховар» Директори Муассисаи давлатии «Марказҳои машваратӣ ва омодагии пеш аз сафари муҳоҷирони меҳнатӣ»-и Хадамоти муҳоҷирати Вазорати меҳнат, муҳоҷират ва шуғли аҳолии мамлакат Диёр Норматов иброз намуд, имрӯз дар доираи шартномаи баимзорасида миёни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Ҷумҳурии Корея ба шаҳри Хампёнги музофоти Ҷоланамдо 23 нафар мутахассисони соҳаи кишоварзии тоҷик ба кори мавсимӣ сафарбар гардиданд.
Диёр Норматов зикр намуд, ки қабули шаҳрвандон барои сафар охири моҳи майи имсол шурӯъ гардида буд. Аз 78 нафари номнависшуда мувофиқи талаботи корфармои кореягӣ 58 нафар соҳиби раводид шуда, тибқи нақша 23 нафар шаҳрвандон имрӯз ва 35 нафар 16 октябр тавассути хатсайри Тошканд – Сеул ба Ҷумҳурии Корея ба кор мераванд. Ин нафарон тибқи талаботи корфармо 30- сола мебошанд. Тамоми ҳуҷҷатгузорӣ дар марказ сурат гирифта, танҳо ҳар моҳ аз ҳисоби коргар 20 фоиз гирифта мешавад. Хароҷоти роҳ аз ҳисоби коргар масраф мегардад.
«Дар Ҷумҳурии Корея коргарон аз ҷониби корфармо бо се вақт хӯрок ва ҷойи хоб таъмин карда мешаванд. Як соати корӣ 8 доллар муайян гардида, муҳлати шартномаи меҳнатӣ панҷ моҳ мебошад. Пас аз панҷ моҳ муҳоҷирони меҳнатӣ бояд ба ватан баргарданд»,- гуфт ӯ.
Вазорати меҳнат, муҳоҷират ва шуғли аҳолии Ҷумҳурии Тоҷикистон дар ду соли охир ҷиҳати гуногунсамтии муҳоҷирати меҳнатӣ ҳамкориро бо кишварҳои ба қувваи корӣ эҳтиёҷманд ба роҳ мондааст. Дар айни замон якчанд лоиҳаи созишномаҳо дар баррасии тарафҳо қарор доранд.
Ёдовар мешавем, ки аз ҷониби Муассисаи давлатии «Марказҳои машваратӣ ва омодагии пеш аз сафари муҳоҷирони меҳнатӣ»-и Хадамоти муҳоҷирати Вазорати меҳнат, муҳоҷират ва шуғли аҳолии мамлакат давоми соли равон 500 нафар шаҳрвандони Тоҷикистон барои кори мавсимӣ ба Британияи Кабир низ сафарбар мегарданд.
Фирӯза ДАВЛАТЗОДА,
АМИТ «Ховар»
АКС: Вазорати меҳнат, муҳоҷират ва шуғли аҳолии ҶТ
НИШАСТИ МАТБУОТӢ. Ваколатдор оид ба ҳуқуқи инсон лоиҳаи 37 санади меъёрии ҳуқуқиро мавриди омӯзиш қарор додааст
Бунафша Файзиддинзода: «Бо вуҷуди коҳиши бекоршавии ақди никоҳ ҳалли ин масъала таваҷҷуҳи доимиро тақозо мекунад»
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
