АМАЛИЁТИ «ИСТГОҲ». Дар Тоҷикистон танбашавӣ ва ё дар таваққуфгоҳ нигоҳ надоштани воситаҳои нақлиёт ташвишовар боқӣ мондааст
ДУШАНБЕ, 06.10.2022. /АМИТ «Ховар»/. Аз 5 то 15 октябр бо ташаббуси Раёсати Бозрасии давлатии автомобилӣ дар мувофиқа бо Вазорати корҳои дохилии Ҷумҳурии Тоҷикистон дар ҳудуди мамлакат амалиёти «Истгоҳ» гузаронида мешавад. Дар ин бора ба АМИТ «Ховар» дар маркази матбуоти Раёсати Бозрасии давлатии автомобилии ВКД Ҷумҳурии Тоҷикистон хабар доданд.
Амалиёти мазкур бо мақсади баланд бардоштани интизоми иштирокчиёни ҳаракат дар роҳ, махсусан ронандагони воситаҳои нақлиёти мусофирбари ҷамъиятӣ, таксиҳои кироя ва дигар воситаҳои нақлиёт дар кӯчаву роҳҳои ҳудуди ҷумҳурӣ, инчунин коҳиш додани сатҳи садаманокӣ бо иштироки онҳо гузаронида мешавад.
Мушоҳидаҳо нишон медиҳанд, ки бо сабаби дар ҷойҳои муайянгардида-истгоҳҳо ва ё ҳудуди муайяншуда нигоҳ надоштани нақлиёт, инчунин савор кардан ё фаровардани мусофирон дар хатҳои дуюм ва сеюм, дар гузаргоҳ барои пиёдагардон, болои пул ва дар ҳудуди роҳҳои дусатҳа нигоҳ доштани воситаҳои нақлиёти мусофирбар вайронкунии қоидаҳои ҳаракат дар роҳ миёни ронандагон афзоиш ёфта истодааст.
Бо вуҷуди андешидани тадбирҳои зарурӣ дар ин ҷода ҳанӯз ҳам дар ҷумҳурӣ масъалаи танбашавӣ ва ё дар истгоҳ нигоҳ надоштани воситаҳои нақлиёт ташвишовар боқӣ мемонад.
Дар ин замина Раёсати БДА ВКД Ҷумҳурии Тоҷикистон аз тамоми сокинон ва меҳмонони кишвар даъват ба амал меорад, ки ҳангоми ҳаракат дар роҳҳо зимни гузаронидани Амалиёти «Истгоҳ» қоидаҳои ҳаракатро риоя намуда, нақлиёти мусофирбари ҷамъиятиро дар истгоҳ ва дигар воситаҳои нақлиётро дар берун аз истгоҳ дар ҳудуди муайяншуда нигоҳ доранд. Дар ҳолати ба қоидавайронкунӣ даст задани ронандагон аз ҷониби нозирони роҳ тадбирҳои зарурӣ андешида мешаванд.
АКС:АМИТ «Ховар»
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
