Ба ифтихори 30-солагии Иҷлосияи ХVI Шӯрои Олӣ дар Ҳисор мусобиқаи варзишӣ доир ба волейбол доир мегардад
ДУШАНБЕ, 23.10.2022 /АМИТ «Ховар»/. Бо мақсади сазовор таҷлил намудани 30-солагии Иҷлосияи ХVI Шӯрои Олии Ҷумҳурии Тоҷикистон миёни хонандагони синфҳои болоии муассисаҳои таҳсилоти миёнаи умумии шаҳри Ҳисор барои дарёфти «Ҷоми Кумитаи иҷроияи ҲХДТ дар шаҳри Ҳисор» мусобиқаи варзишӣ доир ба волейбол доир мегардад. Дар ин бора АМИТ «Ховар» бо истинод ба КИ ҲХДТ дар шаҳри Ҳисор хабар медиҳад.
Тавре масъулини КИ ҲХДТ дар шаҳри Ҳисор зикр карданд, мусобиқаи мазкур дар се марҳила гузаронида мешавад. Марҳилаи интихобии якум аз 24 то 28 октябр дар сатҳи муассисаҳои таҳсилоти миёнаи умумӣ, марҳилаи интихобии дуюм аз 1 то 8 ноябр миёни муассисаҳои таҳсилоти миёнаи умумӣ дар сатҳи ҷамоатҳои шаҳраку деҳот ва марҳилаи ниҳоӣ 11 — 12 ноябр бо иштироки ғолибони сатҳи ҷамоатҳои шаҳраку деҳот гузаронида мешаванд.
Дастаҳое, ки дар марҳилаи шаҳрӣ ҷойҳои якум, дуюм ва сеюмро ишғол менамоянд, баъд аз ҷамъбаст намудани мусобиқа бо “Ҷоми КИ ҲХДТ дар шаҳри Ҳисор” ва туҳфаҳои ҳизбӣ дар вазъияти тантанавӣ мукофотонида мешаванд.
Ҳадафи баргузории мусобиқа ҳамчунин тарғибу ташвиқи тарзи ҳаёти солим, таъмини истироҳату фароғат миёни ҷавонон, барқарор ва мустаҳкам намудани робитаҳои дӯстиву рафоқат байни хонандагони муассисаҳои таҳсилоти миёнаи умумии шаҳри Ҳисор ва муайян намудани дастаҳои ғолиб ба шумор меравад.
АКС: КИ ҲХДТ дар шаҳри Ҳисор
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
