БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Бадахшон маркази савдои «Хорог сити» ифтитоҳ ёфт
ДУШАНБЕ, 28.10.2022 /АМИТ «Ховар»/. Ба истиқболи ҷашни 35-солагии Истиқлолияти давлатии Ҷумҳурии Тоҷикистон дар маҳаллаи «Табобатхона»-и шаҳри Хоруғ маркази савдои «Хорог сити» ба фаъолият шурўъ кард. Маркази мазкур бо иқдоми соҳибкори ватанӣ Собир Абдураҳмонов ифтитоҳ гардида, дар он асосан маҳсулоти мавриди ниёзи аввал, аз қабили маводи хӯрокворӣ фурӯхта мешаванд. Дар марказ 10 нафар сокинони маҳаллӣ бо маоши баланд ва ҷойи кори доимӣ таъмин гардиданд. Дар ин бора ба АМИТ «Ховар» дар мақомоти иҷроияи ҳокимияти давлатии шаҳри Хоруғ хабар доданд.
Дар маросими ифтитоҳи маркази савдо муовини якуми Раиси Вилояти Мухтори Кӯҳистони Бадахшон Низом Мирзозода ва Раиси шаҳри Хоруғ Ризо Назарзода иштирок намуданд.
Ризо Назарзода бо ин иқдоми нек соҳибкорро намунаи ибрат ва пайравӣ дониста, таъкид дошт, ки ҳамарӯза соҳибкорон ва шахсони эҳсонкор дар шаҳри Хоруғ дар арсаи созандагию ободкорӣ саҳми арзанда мегузоранд. Президенти мамлакат муҳтарам Эмомалӣ Раҳмон дар мулоқот бо мардум пайваста таъкид мекунанд, ки «Ватанро дар сухан не, балки сидқан, аз самими қалб дӯст дорему дар ободии он саҳм гузорем».
Низом Мирзозода ин иқдоми некро баҳри рушди соҳаи савдо иқдоми саривақтӣ шуморида, барои таҳким бахшидан ба хизматрасонии ин марказ дастурҳои иловагӣ дод.
Маркази савдо аз чор ошёна иборат буда, ояндаи наздик дар ошёнаҳои боло хизматрасониҳои дигар низ ба роҳ монда мешаванд.
АКС: Рӯзномаи «Нигини Хоруғ»
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
