Бег Сабур дар ҷаласаҳои Шӯрои роҳбарони мақомоти алоқа ва Шӯрои ҳамоҳангсозии ИДМ оид ба иттилоотонӣ ширкат намуд
ДУШАНБЕ, 28.10.2022 /АМИТ «Ховар»/. 25 октябр дар шаҳри Самарқанд ҷаласаи муштараки 58-уми Шӯрои роҳбарони мақомоти минтақавӣ дар соҳаи алоқа (ИАМ) ва ҷаласаи 28-уми Шӯрои ҳамоҳангсозии давлатҳои аъзои ИДМ оид ба иттилоотонӣ дар назди ИАМ баргузор гардид. Дар чорабиниҳои мазкур ҳайати Тоҷикистон таҳти роҳбарии Сардори Хадамоти алоқаи назди Ҳукумати Ҷумҳурии Тоҷикистон Бег Сабур иштирок намуд, хабар медиҳад мухбири АМИТ «Ховар».
Ҷаласа таҳти роҳбарии Вазири рушди технологияҳои иттилоотӣ ва коммуникатсияи Ҷумҳурии Узбекистон Шерзод Шерматов бо иштироки ҳайати аъзои комилҳуқуқи ИАМ — мақомоти алоқаи Ҷумҳурии Беларус, Ҷумҳурии Қазоқистон, Ҷумҳурии Қирғизистон, Муғулистон, Федератсияи Россия, Ҷумҳурии Тоҷикистон ва Туркманистон доир гардид.
Яке аз мавзӯҳои калидии ҷаласа- ин баррасии масъалаи самтҳои ояндадори рушди рақамӣ дар кишварҳои иштирокчии ИАМ ва масъалаҳои мубрами рушди соҳаи алоқа/ТИК дар сатҳи миллӣ буд.
Иштирокчиёни ҷаласа ҷараёни омодагии маъмурияти алоқаи ИАМ -ро ба Конфронси умумиҷаҳонии радиоалоқа ва Ассамблеяи радиоалоқа, ки соли 2023 доир мегардад, баррасӣ намуданд.
Дар ҷаласаи муштарак Вазири рушди технологияҳои иттилоотӣ ва коммуникатсияи Ҷумҳурии Узбекистон Шерзод Шерматов раиси Шӯрои роҳбарони мақомоти Иттиҳоди минтақавӣ дар соҳаи алоқа интихоб гардид. Ёдовар мешавем, ки Россия беш аз 30 сол ин Шӯроро роҳбарӣ мекард.
София ШОИК,
Шаҳло САДРИДДИН,
АМИТ «Ховар»
АКС: АМИТ «Ховар»
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд
