БОЗИҲОИ ДЕЛФӢ. Муовини Вазири фарҳанги Тоҷикистон бо директори Кумитаи байналмилалии Делфӣ мулоқот намуд
ДУШАНБЕ, 13.10.2022 /АМИТ «Ховар»/. 12 октябр дар шаҳри Душанбе муовини Вазири фарҳанги Ҷумҳурии Тоҷикистон Манучеҳр Шарифзода бо директори Кумитаи байналмилалии Делфӣ Владимир Понявин мулоқот намуд. Дар вохўрӣ корҳои омодагӣ ба Бозиҳои 16-уми Делфии ҷавонони кишварҳои узви Иттиҳоди Давлатҳои Мустақил, ки бори аввал дар Тоҷикистон баргузор мешавад, баррасӣ шуданд, иттилоъ дод ба АМИТ «Ховар» узви гурӯҳи тадорукоти Бозиҳои Делфӣ дар Тоҷикистон Марям Холиқзода.
Ёдовар мешавем, ки Владимир Понявин то омадани ҳайати асосии Бозиҳо бо ҳайати гурӯҳи кории чорабинӣ корҳои бисёреро ба анҷом мерасонад.
Имрӯз бо иштироки аъзои ситоди корӣ дар Театри давлатии академии опера ва балети Тоҷикистон ба номи С. Айнӣ ҷаласаи омодагӣ ҷараён гирифт. Зимни он зикр гардид, ки Тоҷикистонро дар ин чорабинии сатҳи байналмилалӣ 160 нафар наврасони боистеъдоди аз 10 то 25-сола муаррифӣ менамоянд.
Ҳайати иштирокдорони Бозиҳо аз ҷониби Ҷумҳурии Тоҷикистон муҳассилини мактабҳои таълимӣ ва санъат, мутахассисони лаёқатманди муассисаҳои фарҳанг ва ҳунари шаҳри Душанбе, ВМКБ, вилоятҳои Суғду Хатлон мебошанд.
Дар Бозиҳо иштироки ҳайатҳо аз Федератсияи Россия, ҷумҳуриҳои Қазоқистон, Узбекистон, Озарбойҷон, Арманистон ва Беларус дар назар аст. Теъдоди умумии иштирокчиён зиёда аз 390 нафарро ташкил медиҳад.
Маросими ифтитоҳи Бозиҳои 16-уми Делфӣ 15 октябр, соати 19:00 дар Театри давлатии академии опера ва балети Тоҷикистон ба номи С. Айнӣ дар назар аст.
16 октябр ҳайати расмии иштирокчиёни ин ҳамоиш бо Китобхонаи миллии Тоҷикистон шинос гардида, дар конференсияи байналмилалӣ дар мавзӯи «Бистсолаи Бозиҳои Делфии кишварҳои аъзои Иттиҳоди Давлатҳои Мустақил: таърих ва дурнамо», ки ба 20-солагии Бозиҳои Делфӣ бахшида мешавад, ширкат меварзанд. Ҳамзамон дар ин рӯз иштирокчиён аз Осорхонаи миллии Тоҷикистон боздид менамоянд.
17 октябр дар Боғи Ирами шаҳри Душанбе намоиши ҳунарҳои мардумӣ ва таомҳои миллӣ доир мешавад, ки ҳайати меҳмонон ва иштирокчиён аз он дидан менамояд.
Инчунин шоми ҳамин рӯз, соати 19:00 дар Театри давлатии академии опера ва балети Тоҷикистон ба номи С. Айнӣ маросими пӯшидашавии Бозиҳо доир мегардад.
Дар назар аст, ки 18 октябр меҳмонон аз Мамнӯъгоҳи таърихию фарҳангӣ дар шаҳри Ҳисор дидан намоянд.
АКС: Вазорати фарҳанги ҶТ
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
