Дар Душанбе дар доираи Бозиҳои 16-уми Делфӣ конфронси байналмилалӣ баргузор шуд
ДУШАНБЕ, 17.10.2022 /АМИТ «Ховар»/. Дирӯз, 16 октябр дар Китобхонаи миллии Тоҷикистон бо иштироки ҳайати меҳмонон, коршиносони соҳа, устодони муассисаҳои таълимӣ дар доираи Бозиҳои 16-уми Делфии ҷавонони давлатҳои аъзои ИДМ конфронси байналмилалӣ баргузор гардид. Дар ин бора ба АМИТ «Ховар» дар Вазорати фарҳанги кишвар хабар доданд.
Ҳамоишро муовини Вазири фарҳанги Ҷумҳурии Тоҷикистон Манучеҳр Шарифзода ифтитоҳ намуда, меҳмонону иштирокдорони конференсияро ба ҷумҳурӣ хайрамақдам гуфт. Мавсуф баргузории Бозиҳоро дар шаҳри Душанбе мояи ифтихору сарбаландии ҳар тоҷикистонӣ арзёбӣ намуд.
Мушовири калони бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Нурулло Оқилзода аввалин маротиба таҳти сарпарастии бевоситаи Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо ташаббуси Вазорати фарҳанги Ҷумҳурии Тоҷикистон, Кумитаи байналмилалии бозиҳои Делфӣ баргузор шудани ин чорабинии сатҳи олиро мояи сарфарозии миллати тоҷик шуморид.
Сипас директори Кумитаи байналмилалии Делфӣ Владимир Понявин вобаста ба баргузории Бозиҳои Делфӣ, таърих ва дурнамои он изҳори андеша кард ва аз Президенти Ҷумҳурии Тоҷикистон муҳтарам Эмомалӣ Раҳмон, Вазорати фарҳанги Ҷумҳурии Тоҷикистон, мардуми сарбаланди тоҷик ҷиҳати истиқболи самимӣ аз иштирокчиён ва дар сатҳи баланд баргузор гардидани номинаҳои Бозиҳо изҳори миннатдорӣ намуд.
Дар идома аз ҷониби иштирокдорони конфронс маърӯзаҳои пурмуҳтаво пешниҳод гардиданд. Иштирокдорон изҳор доштанд, ки баргузории чунин чорабиниҳои сатҳи байналмилалӣ ба таҳкими дӯстӣ ва робитаҳои фарҳангии ҷавонон ва наврасони аъзои давлатҳои ИДМ мусоидат мекунад.
АКС: Маркази матбуоти Вазорати фарҳанг
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
