Дар Душанбе Фестивали филмҳои кореягӣ дар Тоҷикистон оғоз ёфт
ДУШАНБЕ, 29.10.2022. /АМИТ «Ховар»/. Тавре қаблан иттилоъ додем, аз 29 октябр то 4 ноябри соли равон дар Душанбе «Фестивали филмҳои кореягӣ дар Тоҷикистон-2022» баргузор мегардад, ки он ба 30-умин солгарди барқарории муносибатҳои дипломатӣ байни Ҷумҳурии Тоҷикистон ва Ҷумҳурии Корея бахшида мешавад. 29 октябр маросими ифтитоҳи ҷашнвора дар кинотеатри «Кохи Наврўз» -и шаҳри Душанбе баргузор шуд, ки дар он филми кореягӣ бо номи «Чеҳраи хонанда» манзури тамошобинон гардид.
Тавре мухбири АМИТ «Ховар» хабар медиҳад, дар маросими ифтитоҳи «Фестивали филмҳои кореягӣ дар Тоҷикистон-2022» намояндагони Вазорати фарҳанги Ҷумҳурии Точикистон, Сафорати Ҷумҳурии Корея дар Тоҷикистон, масъулини синамо ва намояндагони корпусҳои дипломатии муқими Душанбе иштирок намуданд.
Сафири Ҷумҳурии Корея дар Ҷумҳурии Тоҷикистон Квон Донг Сок иброз дошт, ки «Фестивали мазкур барои табодули таҷрибаи ҳарду кишвар дар соҳаи санъати синамо ва густариши минбаъдаи он мусоидат менамояд. Қаблан чунин фестивал солҳои 2013 ва 2015 ва 2017 дар шаҳри Душанбе доир гардида, шумораи зиёди тамошобинони филмҳои кореягиро ҷалб карда буд. Дӯстдорони филм дар ин ҷашнвора метавонанд филми ҳунарии коргардонҳои кореягиро дар жанрҳои драма, комедия, таърихӣ ва низомӣ тамошо кунанд».
Намоиши филмҳои кореягӣ то 4 ноябр дар кинотеатри «Кохи Наврўз»-и шаҳри Душанбе идома меёбад. Дар ин Фестивал филмҳои коргардонон Ҳан Ҷерим- “Симо”(Квансанг с. 2013), Че Донгҳун “Қатл” (Амсал, с. 2015) ва Ли Гебёк “Хушбахт” (Локи с. 2016) ва ғайраҳо намоиш дода мешаванд.
Ёдовар мешавем, ки муносибатҳои дипломатӣ миёни Ҷумҳурии Тоҷикистон ва Ҷумҳурии Корея 27 апрели 1992 барқарор карда шудаанд. Сафорати Ҷумҳурии Тоҷикистон дар Ҷумҳурии Корея моҳи апрели 2015 таъсис ёфта, Сафорати Ҷумҳурии Корея дар Ҷумҳурии Тоҷикистон дар сатҳи Кордор соли 2008 ифтитоҳ ёфтааст. Квон Донг Сок нахустин Сафири Фавқулода ва Мухтори Ҷумҳурии Корея дар Ҷумҳурии Тоҷикистон хоҳад буд.
АКС: АМИТ «Ховар»
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
