Дар Душанбе созишномаҳо оид ба маблағгузорӣ ба имзо расиданд

Октябрь 6, 2022 10:30

ДУШАНБЕ, 06.10.2022 /АМИТ «Ховар»/. Созишнома оид ба маблағгузорӣ (Лоиҳаи такмили идоракунии захираҳои об ва обёрӣ дар Тоҷикистон) миёни Ҷумҳурии Тоҷикистон ва Ассотсиатсияи Байналмилалии Рушд ва Созишномаи грантӣ (Лоиҳаи такмили идоракунии захираҳои об ва обёрӣ дар Тоҷикистон) миёни Ҷумҳурии Тоҷикистон ва Бонки Байналмилалии Таҷдид ва Рушд ва Ассотсиатсияи Байналмилалии Рушд 3 октябр дар Вазорати молияи Ҷумҳурии Тоҷикистон ба имзо расонида шуданд.

Тавре АМИТ «Ховар» бо истинод ба Вазорати молия хабар медиҳад, созишномаҳоро Вазири молияи Ҷумҳурии Тоҷикистон Файзиддин Қаҳҳорзода ва намояндаи доимии Бонки ҷаҳонӣ дар Тоҷикистон  Озан Севимлӣ ба имзо расониданд.

Арзиши умумии лоиҳа 47,34 млн доллари амрикоиро ташкил дода, аз он 30 млн доллар гранти Ассотсиатсияи Байналмилалии Рушд (бо эквиваленти 22,4 млн ҳуқуқи махсуси қарзгирӣ) ва 17,34 млн доллар гранти Фонди ягонаи донории трастии Барномаи шарикии Иттиҳоди Аврупо ва Бонки ҷаҳонӣ, қисми III барои мамлакатҳои Аврупо ва Осиёи Марказӣ (бо эквиваленти 16,19 млн евро) мебошад.

Ҳадафи лоиҳа баланд бардоштани устувории роҳҳои муҳими мошингард ва пурзӯр намудани иқтидор вобаста ба идоракунии хатари офатҳои табиӣ мебошад.

Татбиқи лоиҳаи мазкур соли 2023 оғоз ёфта, анҷоми он соли 2027 ба нақша гирифта шудааст.

Инчунин 3 октябр Созишнома оид ба маблағгузорӣ (Лоиҳаи сармоягузорӣ ба соҳаи обтаъминкунӣ ва беҳдошти Тоҷикистон) миёни Ҷумҳурии Тоҷикистон ва Ассотсиатсияи Байналмилалии Рушд ба имзо расонида шуд.

Созишномаи мазкурро Вазири молияи Ҷумҳурии Тоҷикистон Файзиддин Қаҳҳорзода ва намояндаи доимии Бонки ҷаҳонӣ дар Тоҷикистон Озан Севимлӣ ба имзо расониданд.

Мақсади лоиҳа беҳтар намудани дастрасӣ ба таъминоти оби нӯшокӣ ва беҳдошт дар ноҳияҳои алоҳида, инчунин таҳкими иқтидори муассисаҳои соҳаи обтаъминкунӣ ва беҳдошт барои такмил ва беҳтар кардани хизматрасониҳои пешниҳодшаванда мебошад.

Арзиши умумии Лоиҳа 45 млн доллари амрикоӣ (баробар ба 33,5 млн ҳуқуқи махсуси қарзгирӣ)-ро ташкил медиҳад, ки он пурра аз ҳисоби Бонки ҷаҳонӣ тариқи маблағҳои грантӣ маблағгузорӣ мегардад.

Татбиқи лоиҳаи мазкур соли 2023 оғоз ёфта, анҷоми он соли 2027 ба нақша гирифта шудааст.

АКС: Вазорати молияи Ҷумҳурии Тоҷикистон

Октябрь 6, 2022 10:30

Хабарҳои дигари ин бахш

Дар Тоҷикистон бори аввал Фестивали намоиш-фурӯши картошка ва тайёр намудани хӯрокҳо аз он бо шукӯҳу шаҳомати хосса таҷлил гардид
ФЕСТИВАЛИ КАРТОШКА. Имсол дар Тоҷикистон беш аз 770 ҳазор тонна картошка истеҳсол гардидааст
Дурнамои муносибатҳои дуҷониба миёни палатаҳои савдо ва саноати Тоҷикистон ва Россия баррасӣ гардид
Пагоҳ дар Тоҷикистон Фестивали картошка баргузор мешавад
Иштирокдорони ҷаласаи 37-уми пленарии ГАО масъалаҳои муҳими марбут ба таҳдидҳои ҷаҳони муосирро баррасӣ намуданд
Абдулҳамид Қаюмов: «Ифтихормандам, ки Парчами давлатии Тоҷикистонро дар қитъаи шашуми ҷаҳон гузоштем!»
Дар Бадахшон ҷаласаи Ситод оид ба зимистонгузаронӣ ба таври маҷозӣ баргузор шуд
Аргентина хостори бунёди неругоҳҳои барқи обии хурду миёна дар ҳудуди Тоҷикистон аст
Дар Душанбе Форуми намояндагони кумитаҳои дахлдори парлумони кишварҳои аъзои Гурӯҳи Авруосиёӣ баргузор гардид
Тоҷикистон, Узбекистон ва Қазоқистон барои гузаронидани об тавассути обанбори Қайроққум ба тавофуқ расиданд
СОЛҲОИ РУШДИ САНОАТ. Дар ноҳияи Қубодиён корхонаи истеҳсоли семент бо фарогирии 1300 ҷои нави кор сохта мешавад
Дар Душанбе масоили афзоиши гардиши савдо миёни Тоҷикистон ва Юнон баррасӣ шуд