Дар Куала Лумпур Намоишгоҳи байналмилалии «Selangor International Expo-2022» баргузор гардид
ДУШАНБЕ, 10.10.2022 /АМИТ «Ховар»/. 6 октябр дар шаҳри Куала Лумпури Малайзия Намоишгоҳи байналмилалии «Selangor International Expo-2022» доир ба маҳсулоти хӯрокворӣ оғоз гардид. Дар он бо мусоидати Палатаи савдо ва саноат ва Сафорати Ҷумҳурии Тоҷикистон дар Малайзия ғурфаи намоиши молу маҳсулоти корхонаҳои истеҳсолии ватанӣ, ки ба стандартҳои ҷаҳонӣ ҷавобгӯ ва ба содирот нигаронида шудаанд, ташкил карда шуд.
Тавре ба АМИТ «Ховар» дар Палатаи савдо ва саноат хабар доданд, дар Намоишгоҳи байналмилалии «Selangor International Expo-2022» намунаҳо ва наворҳои истеҳсоли маҳсулот, бахусус ширкатҳои миллии хӯрокворӣ ва нӯшокиҳои «Сиёма», «Оби Зулол», «Евро Азия 2005», «Баракат Исфара», «Исфарафуд», «Азизӣ», «Темуриён» «Витаминҳои Тоҷикистон», «Ширин» ва намунаҳои асали табиӣ ба намоиш гузошта шуданд.
Намоишгоҳи мазкур барномаи тиҷоратӣ барои пешбурди маҳсулоти истеҳсолкунандагони тоҷик ба бозорҳои хориҷӣ, бахусус дар Малайзия ва рушди иқтидори содиротӣ, боз кардани бозорҳои нави маҳсулот, тавсеаи ҳамкории ширкатҳои Тоҷикистону Малайзия, инчунин ҷалби сармоя мебошад.
Тибқи иттилои созмондиҳандагони Намоишгоҳи байналмилалии «Selangor International Expo-2022», намоишгоҳ то 9 октябр идома ёфт ва дар он 500 ширкат иштирок намуданд.
Акс: ПСС ҶТ
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
