Дар Суғд оид ба татбиқи қонунгузории соҳаи хизмати давлатӣ ҷаласа доир гардид
ДУШАНБЕ, 13.10.2022 /АМИТ «Ховар»/. 12 октябр дар шаҳри Хуҷанд оид ба татбиқи қонунгузории соҳаи хизмати давлатӣ дар ҷамоатҳои шаҳрак ва деҳоти шаҳру ноҳияҳои вилояти Суғд ҷаласаи сайёри ҳайати мушовараи Агентии хизмати давлатии назди Президенти Ҷумҳурии Тоҷикистон баргузор шуд, хабар доданд ба АМИТ «Ховар» дар Агентии мазкур.
Дар ҷаласаи сайёр Директори Агентии хизмати давлатӣ Ҷумъа Давлатов, мушовири Бахши Ёрдамчии Президенти Ҷумҳурии Тоҷикистон Меҳрӣ Олимшо, муовини Директори Агентии хизмати давлатӣ Дилноза Аҳмадзода, роҳбари дастгоҳи Раиси вилояти Суғд Биволида Самадӣ, намояндаи Академияи идоракунии давлатии назди Президенти Ҷумҳурии Тоҷикистон Абдухолиқ Сафаров, кормандони Раёсати Агентии хизмати давлатӣ дар вилояти Суғд, раисони шаҳру ноҳияҳо, роҳбарони дастгоҳ ва мудирони шуъбаи ташкилӣ ва кор бо кадрҳои шаҳру ноҳияҳо иштирок намуданд.
Муовини Директори Агентии хизмати давлатӣ Дилноза Аҳмадзода гуфт, ки солҳои 2020-2021 дар 80 ҷамоати шаҳраку деҳоти шаҳру ноҳияҳои Гулистон, Конибодом, Истаравшан, Исфара, Айнӣ, Деваштич, Спитамен, Шаҳристон, Бобоҷон Ғафуров ва Ашт вобаста ба татбиқи қонунгузории соҳаи хизмати давлатӣ аз ҷониби гурӯҳҳои кории Агентии хизмати давлатӣ санҷиш гузаронида шуд. Таҳлил нишон дод, ки дар 80 ҷамоати шаҳрак ва деҳоти санҷидашуда 782 воҳиди корӣ мавҷуд буда, дар онҳо 564 нафар фаъолият дошта, 218 ҷой холӣ мебошанд. Дар мақомоти худидоракунии шаҳраку деҳоти мазкур аз 564 нафар хизматчиёни давлатии амалан фаъолиятдошта 138 нафарро занон ташкил медиҳанд.
«Теъдоди ҷавонони хизматчии давлатӣ 173 нафар буда, кам будани теъдоди занону ҷавонон дар сатҳи ҷамоатҳои шаҳраку деҳоти вилояти Суғд нигаронкунанда мебошад»,-афзуд Дилноза Аҳмадзода.
Инчунин таҳлилҳои дақиқ вобаста ба татбиқи технологияҳои кадрӣ, яъне ташкил ва баргузории озмунҳо вобаста ба дарёфти ҷойҳои корҳои холии маъмурии хизмати давлатӣ, аттестатсияи хизматчиёни давлатӣ, баҳодиҳии фаъолияти хизматчиёни давлатӣ, пешбурди захираи кадрҳо ва риояи бечунучарои талаботи санадҳои меъёрӣ ҳуқуқии соҳаи хизмати давлатӣ пешниҳод гардида, мавҷудияти ҷойҳои зиёди кории холӣ дар ниҳоди идоракунии давлатӣ, кам ҷалб шудани занону ҷавонон ба хизмати давлатӣ, риоя нагардидани пешбурди парвандаҳои шахсӣ дар мақомоти давлатӣ, риоя нагардидани талаботи тахассусӣ нисбат ба хизматчиёни давлатӣ, нодуруст тасдиқ гардидани дастурамалҳои мансабии хизматчиёни давлатӣ ва доштани таъқиби ҷиноятӣ аз рӯи моддаҳои мухталифи Кодекси ҷиноятии Ҷумҳурии Тоҷикистон ҳамчун масъалаҳои ташвишовар зикр гардиданд.
АКС: Агентии хизмати давлатии назди Президенти ҶТ
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
