«ФУРӮҒИ СУБҲИ ДОНОӢ КИТОБ АСТ». Дар Душанбе даври шаҳрии озмуни ҷумҳуриявӣ ифтитоҳ ёфт
ДУШАНБЕ, 17.10.2022. /АМИТ «Ховар»/. Имрӯз дар саҳни Муассисаи давлатии «Маркази кӯдакон ва наврасони шаҳри Душанбе» маросими ифтитоҳи даври шаҳрии Озмуни ҷумҳуриявии «Фурӯғи субҳи доноӣ китоб аст» оғоз ёфт, ки дар он 423 нафар довталабон ширкат меварзанд. Дар ин бора ба АМИТ «Ховар» дар Муассисаи давлатии «Маркази кӯдакон ва наврасони шаҳри Душанбе» хабар доданд.
Дар маросим намояндагони мақомоти иҷроияи ҳокимияти давлатии шаҳри Душанбе, Кумитаи телевизион ва радиои назди Ҳукумати Ҷумҳурии Тоҷикистон, Иттифоқи нависандагони Ҷумҳурии Тоҷикистон, Сарраёсати маорифи шаҳри Душанбе ва ВАО ширкат варзиданд.
Зимни ифтитоҳ муовини Раиси шаҳри Душанбе Дилбар Одилзода иштирокчиёни озмунро ба маросими ифтитоҳи даври шаҳрии Озмуни ҷумҳуриявии «Фурӯғи субҳи доноӣ китоб аст» хайрамақдам гуфта, аз номи мақомоти иҷроияи ҳокимияти давлатии шаҳри Душанбе, бахусус аз номи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ба ҳамаи иштирокчиёни озмун барору комёбӣ ва саодату сарбаландӣ таманно намуд.
Дилбар Одилзода иброз дошт, ки бо мақсади иҷрои Амри Президенти Ҷумҳурии Тоҷикистон аз 3 феврали соли 2022, ҷиҳати дар сатҳи баланди ташкиливу бадеӣ баргузор намудани Озмуни ҷумҳуриявии «Фурӯғи субҳи доноӣ китоб аст» қарори Раиси шаҳри Душанбе «Дар бораи баргузор намудани Озмуни ҷумҳуриявии «Фурӯғи субҳи доноӣ китоб аст» дар шаҳри Душанбе» аз 1 апрели соли 2022 ба тасвиб расид. Дар даври шаҳрии он 423 нафар довталабон ширкат меварзанд, ки нисбат ба соли гузашта 143 нафар зиёд мебошад.
Зикр гардид, ки шумораи иштирокчиён ва ғолибони даври якум ва дуюми озмун низ мутаносибан афзудааст, ки ин аз оммавӣ гардидани озмун дарак медиҳад.
Соли гузашта дар доираи талаботи муқарраргардидаи озмун вобаста ба ҳар номинаи он ва иловатан вобаста ба мавзӯъҳои васфи Ватан, дӯстиву бародарӣ, хайру эҳсонкорӣ, ишқи поки инсонӣ, тараннуми ваҳдату сулҳу субот ва корнамоиҳои фарзандони фарзонаи миллати тоҷик дар рушду ободии диёр иштирокчиён аз пойтахти азизамон- шаҳри Душанбе дар озмуни «Фурӯғи субҳи доноӣ китоб аст» фаъолона ширкат варзида, маҳорат ва малакаи худро нишон доданд. Онҳо аз ҷониби ҳакамони озмун сазовори баҳои баланд шуда, бо соҳиб гаштан ба 27 ҷойи ифтихорӣ мақоми аввалро дар сатҳи ҷумҳурӣ ноил гардиданд.
Тибқи тартиби муқарраргардида, сараввал иштирокчиёни озмун аз рӯйи номинаи «Хондан ва аз бар намудани адабиёти бачагона» вориди толори фарҳангии Муассисаи давлатии «Маркази кўдакон ва наврасони шаҳри Душанбе» гардиданд.
Бояд ёдовар шуд, ки озмуни мазкур аз 17 то 23 октябр идома меёбад.
АКС: Муассисаи давлатии «Маркази кӯдакон ва наврасони шаҳри Душанбе»
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
