Хона-интернати пиронсолон ва маъюбони шаҳри Турсунзода ба зимистон омода гардидааст
ТУРСУНЗОДА, 30.10.2022 /АМИТ «Ховар»/. Масъулини Муассисаи давлатии «Хона-интернати пиронсолон ва маъюбон»-и шаҳри Турсунзода ҷиҳати иҷрои қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳо 2022-2023» ба давраи сармо пурра омода гардидаанд.
Муовини директор оид ба хоҷагии «Хона-интернати пиронсолон ва маъюбон»-и шаҳри Турсунзода Фирӯз КАБИРОВ ба хабарнигори АМИТ «Ховар» Субҳониддини МАҲМУД гуфт, ки «бо дастгирии Ҳукумати Ҷумҳурии Тоҷикистон биноҳои муассиса бо шабакаи ягонаи гармидиҳии буғӣ пайваст карда шудаанд. Дар фасли зимистон ба воситаи ин шабака ҳуҷраҳои бошандагони муассиса бо гармии доимӣ пурра таъмин мешаванд. Аз ин рӯ мувофиқи нақшаи зимистонгузаронӣ 100 тонна ангишти хушсифат ва 60 куб хезуми хушк захира карда шудааст. Ҳамчунин роҳбарияти кони «Фони Яғноб» 27 тонна ангишт кумак намуданд».
Масъулини Хона-интернати пиронсолон ва маъюбон дар асоси дастуру супоришҳои Сарвари давлат ҳар ваҷаб замини назди муассиса ва хоҷагии ёрирасонро самаранок истифода бурда, аз он ду-се ҳосил ба даст оварданд. Аз ҳисоби ҷамъоварии ҳосили заминҳои муассиса барои зимистонгузаронии бошандагон 6 тонна гандум, 2,5 тонна биринҷ, 120 кг сирпиёз, 300 кг лубиёгӣ, 220 кг мош, 1100 зарфи шишагӣ нӯшоба, 220 зарфи шишагӣ шакароб, 110 зарфи шишагӣ бодиринги шӯр ва 150 зарфи шишагӣ қайлаи помидор захира намудаанд. Дар айни замон дар заминҳои хоҷагии ёрирасони муассиса лаблабу, турб, шалғам, сабзӣ, карам, сирпиёз мавҷуданд, ки аз онҳо барои хӯроки бошандагон самаранок истифода менамоянд.
Ба гуфтаи масъулини Хона-интернати пиронсолон ва маъюбон, дар ин муассиса 11 адад чорвои шохдори калон парвариш меёбад, ки ҳамарӯза аз онҳо 25-30 литр шир ҷӯшида, барои истиқоматкунандагони муассиса хӯрок омода менамоянд.
Бо заҳматҳои шабонарӯзии кормандон дар заминҳои назди муассиса гармхона сохта шудааст, ки дар он дарахти лимӯ парвариш меёбад. Хушбахтона, бо мусоид омадани боду ҳаво ва сари вақт додани обу ғизо имсол ҳосили баланди лимӯ ба даст оварда шуд, ки пиронсолону маъюбон аз он истифода менамоянд.
АКС: АМИТ «Ховар»
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
