Имрӯз дар Тоҷикистон Рӯзҳои фарҳанги Ҷумҳурии Исломии Эрон оғоз мегарданд
ДУШАНБЕ, 31.10.2022 /АМИТ «Ховар»/. Имрӯз, соати 17:00 дар Театри давлатии академии опера ва балети Тоҷикистон ба номи С. Айнӣ маросими ифтитоҳи Рӯзҳои фарҳанги Ҷумҳурии Исломии Эрон дар Ҷумҳурии Тоҷикистон доир мешавад, ки бо баргузории барномаҳои фарҳангӣ то 6 ноябр идома меёбад, иттилоъ доданд ба АМИТ «Ховар» дар маркази матбуоти Вазорати фарҳанги мамлакат.
Тибқи барнома, имрӯз пеш аз оғози маросими Рӯзҳои фарҳангӣ мулоқоти Вазири фарҳанги мамлакат ва намояндаи Ҳукумати Ҷумҳурии Тоҷикистон бо ҳайати расмии рӯзҳо ва Вазири фарҳанг ва иршоди исломии Ҷумҳурии Исломии Эрон Муҳаммадмеҳдӣ Исмоилӣ дар Китобхонаи миллии Тоҷикистон баргузор мегардад.
Шумораи умумии иштирокчиёни Рӯзҳои фарҳангӣ зиёда аз 60 нафарро ташкил медиҳад.
Дар назар аст, ки дар доираи баргузории рӯзҳо намоиши ҳунарҳои мардумии ин сарзамин дар Осорхонаи миллии Тоҷикистон, маҳфили «Шоҳномахонӣ» ва гурӯҳи мусиқии «Пож», «Сурӯши Мавлоно» дар Донишгоҳи миллии Тоҷикистон ва Донишгоҳи омӯзгории Тоҷикистон ба номи С.Айнӣ, намоиши филмҳои эронӣ дар Кохи Наврӯз ва кинотеатри Ватан, маҳфили адабӣ бо иштироки шоирони Эрону Тоҷикистон ва гурӯҳи ҳунарии «Варзишгарони зӯрхонаӣ» дар толори Иттифоқи нависандагони Тоҷикистон баргузор шаванд.
Инчунин 3-4 ноябр Рӯзҳои фарҳангии Эрон бо иштироки ҳайати меҳмонон дар шаҳрҳои Хуҷанд, Бохтар ва Кӯлоб идома меёбанд.
Ҳайати меҳмонон аз Осорхонаи миллии Тоҷикистон, Кохи Наврӯз, Маҷмааи «Истиқлол» ва Муассисаи давлатии ҷумҳуриявии «Мамнӯъгоҳи таърихию фарҳангии Ҳисор» низ дидан менамояд.
Ёдовар мешавем, ки аз 3 то 9 октябри соли равон Рӯзҳои фарҳанги Ҷумҳурии Тоҷикистон дар Ҷумҳурии Исломии Эрон доир гардиданд. Дар доираи ин рӯзҳо мулоқоти Вазири фарҳанги Тоҷикистон Зулфия Давлатзода ва Вазири фарҳанг ва иршоди исломии Ҷумҳурии Исломии Эрон Муҳаммадмеҳдӣ Исмоилӣ доир шуд. Дар маросими кушодашавии Рӯзҳои фарҳанги Тоҷикистон дар Эрон ходимони намоёни сиёсӣ, фарҳангӣ, адабӣ ва аҳолии Теҳрон иштирок намуданд.
Дар доираи Рӯзҳои фарҳанги Тоҷикистон дар Эрон намоиши аксҳою мусаввараҳо, ҳунарҳои мардумӣ, либосҳои миллии тоҷикӣ, намоиши театрии «Дирафши ковиёнӣ»-и Театри ҷавонони ба номи Маҳмудҷон Воҳидов, барномаҳои консертии ҳунармандони маъруфи тоҷик, «Шаби шеър» бо иштироки шоирони шинохтаи тоҷик ва адибони эронӣ, инчунин намоиши филмҳои «Муаллим» ва «Роҳ»-и коргардони тоҷик Носир Саидов пешниҳод гардиданд.
АКС: Вазорати фарҳанги ҶТ
Осори ҷаҳоншумули Мавлоно дар қалби Аврупо муаррифӣ мегардад
Дар қароргоҳи ЮНЕСКО 815-солагии Мавлоно Ҷалолуддини Балхӣ таҷлил мегардад
Муассисаҳои илмии Тоҷикистон ва Австрия ҳамкориро густариш медиҳанд
Имсол 100-солагии академик Аҳрор Мухторов таҷлил карда мешавад
РӮЗИ БАЙНАЛМИЛАЛИИ ҲИФЗИ КӮДАКОН. Дар Академияи миллии илмҳои Тоҷикистон бахшида ба он ҳамоиш доир шуд
Президенти Тоҷикистон аз тайёр кардани кадрҳои илмӣ дар пажуҳишгоҳҳо ва марказҳои Академияи миллии илмҳо ва Академияи илмҳои кишоварзӣ изҳори нигаронӣ намуданд
Шурои ҳукуматӣ оид ба рушди кинематографияи миллӣ баргузор шуд
«КАМОЛИ ОДАМӢ ДАР ИЛМ БОШАД…». Имрӯз 1020-солагии Носири Хусрави Қубодиёнӣ таҷлил карда шуд
«МО НАСЛИ ХУШБАХТИ ЗАМОН». Бахшида ба Рӯзи байналмилалии ҳифзи кӯдакон дар Осорхонаи миллӣ ҷамъомади фарҳангӣ-фароғатӣ доир шуд
Президенти Тоҷикистон фаъолияти кормандони Академияи миллии илмҳоро яке аз масъалаҳои ташвишовар унвон намуданд
«ҲАДИСИ НОСИРИ ХУСРАВ ҲАМИН АСТ». Дар Тоҷикистон 1020-солагии Носири Хусрави Қубодиёнӣ таҷлил мегардад
«БАРНОМАИ РУШДИ ЗАБОНИ ДАВЛАТӢ БАРОИ СОЛҲОИ 2020-2030». Давоми чор соли фаъолияти он кадом натиҷаҳо ба даст омаданд ва чӣ мушкилот дар ин самт мавҷуд аст?
