Мутахассисони «Тоҷикаэронавигатсия» қариб ба 50 ҳазор ҳавопаймои ватанӣ ва хориҷӣ хизмат пешниҳод намуданд
ДУШАНБЕ, 20.10.2022 /АМИТ «Ховар»/. Мутахассисону кормандони Корхонаи воҳиди давлатии /КВД/ «Тоҷикаэронавигатсия» соли равон қариб ба 50 ҳазор ҳавопаймои ширкатҳои гуногуни ҳавопаймоии ватанӣ ва хориҷӣ хизмати аэронавигатсионӣ пениҳод намуданд.
Ин нуктаро Директори генералии КВД «Тоҷикаэронавигатсия» Лоиқ Бегиҷонзода дар ҷаласаи ҷамъбастие, ки зимни он фаъолияти хоҷагиву истеҳсолии корхона дар нуҳ моҳи соли равон натиҷагирӣ гардид, зикр намуд.
Тавре АМИТ «Ховар» бо истинод ба КВД «Тоҷикаэронавигатсия» иттилоъ медиҳад, дар ин давра долони нави ҳавоии FUNSE ва хатсайри ҳавоии Z767 ифтитоҳ гардида, таҷдиду навсозии якчанд таҷҳизоти фаннӣ ва таъмини барномавии муосири таҷҳизоти корхона амалӣ гардид.
Ҳамзамон доир ба комёбиҳои корхона дар ин давра ва омилҳои нави хавасмандгардонӣ, ки ба беҳбуди сифати фаъолият ва истироҳати коргарон нигаронида шудаанд, табодули назар сурат гирифт.
Гуфта шуд, ки вазъи кунунии фаъолияти КВД «Тоҷикаэронавигатсия» аз манфиатоварии босуботи корхона, устувории он, сари вақт пардохт намудани андозҳо ба буҷети давлатӣ ва музди кормандон шаҳодат медиҳад. Илова бар ин, барои рушди воҳидҳои сохтории корхона фонди молиявии ҷамъшаванда таъсис дода шуда, сатҳу сифати хизматрасонии аэронавигатсионӣ вобаста ба ҷорӣ намудани технологияҳои муосир тамоюли беҳтар ва рушд дорад.
Дар ҷаласа инчунин муовини Директори Агентии авиатсияи граждании назди Ҳукумати ҷумҳурӣ Азиз Набизода ба фаъолияти КВД «Тоҷикаэронавигатсия» ва рушди иқтидори истеҳсолию иқтисодии корхона, дар маҷмӯъ авиатсияи ватанӣ баҳои баланд дод. Набизода афзуд, ки КВД «Тоҷикаэронавигатсия» сохтори устувортарин ва рушёбандаи авиатсияи граждании кишвар мебошад. Таъкид шуд, ки корхона «Барномаи давлатии рушди комплекси нақлиёти Ҷумҳурии Тоҷикистон то соли 2025»-ро мунтазам амалӣ ва технологияҳои наву муосирро муваффақона ҷорӣ намуда, ба омода намудани кадрҳои ҷавон ва бозомӯзии мутахассисони собиқадор таваҷҷуҳи махсус зоҳир менамояд.
АКС: КВД «Тоҷикаэронавигатсия»
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
