Пешвои миллат Эмомалӣ Раҳмон дар дар ноҳияи Шамсиддин Шоҳин бинои Кумитаи идораи заминро ифтитоҳ намуданд
ДУШАНБЕ, 23.10.2022 /АМИТ «Ховар»/. 23 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ дар ноҳияи Шамсиддин Шоҳин бинои Кумитаи идораи заминро ифтитоҳ намуда, бо шароити кории он шинос шуданд.
Бинои Кумитаи идораи замини ноҳияи Шамсиддин Шоҳин дар доираи тадбирҳои ободонӣ ба ифтихори ҷашни 35-солагии Истиқлолияти давлатии Ҷумҳурии Тоҷикистон бо тарҳи хеле зебо ва замонавӣ бунёд гардида, аз 2 ошёна, 10 ҳуҷраи корӣ, маҷлисгоҳ бо 40 ҷойи нишаст ва дигар ҳуҷраҳои ёрирасон иборат мебошад.
Корҳои сохтмонӣ дар иншооти мазкур соли 2021 оғоз гардида, дар он 20 нафар сокини маҳаллӣ бо ҷои кор ва маоши хуб таъмин гардиданд.
Аз руи тарҳ дар ошёнаи якуми бино ҳуҷраҳои корӣ барои кормандони идораи замин ва мутахассисони корхонаи бақайдгирии молу мулки ғайриманқул бунёд гардидааст ва ҳамаи онҳо бо мизу курсӣ ва лавозимоти зарурии корӣ таъмин мебошанд.
Қаблан кормандони Кумитаи идораи замини ноҳияи Шамсиддин Шоҳин бо сабаби набудани бинои алоҳидаи корӣ фаъолиятро дар иншооти куҳна идома медоданд. Акунан бо анҷоми тадбирҳои ободонӣ мушкилоти мавҷуда роҳи ҳалли худро пайдо намуд ва шароити хуби корӣ барои мутахассисон муҳайё карда шуд.
Пешвои миллат муҳтарам Эмомалӣ Раҳмон зимни шиносоӣ аз шароити фароҳамгардидаи иншооти навтаъсис ва таъмини дастгоҳу таҷҳизоти зарурӣ дар он ба корҳои сохтмонӣ баҳои баланд дода, масъулону кормандони соҳаро барои анҷоми хизматрасониҳои босифату сатҳи баланд вазифадор намуданд.
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Озарбойҷон Илҳом Алиев мулоқот намуданд
Президенти Ҷумҳурии Тоҷикистон Эмомалӣ Раҳмон бо сафари корӣ вориди шаҳри Бокуи Ҷумҳурии Озарбойҷон шуданд
Сафари кории Президенти Ҷумҳурии Тоҷикистон Эмомалӣ Раҳмон ба Ҷумҳурии Озарбойҷон
Пешвои миллат Эмомалӣ Раҳмон бо сармоягузорону соҳибкорони кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ дар мулоқот бо соҳибкорону сармоягузорони мамлакат
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
