Робитаҳои байнипарлумонии Тоҷикистон ва Узбекистон бо сатҳи сифатан нав ба роҳ монда мешаванд
ДУШАНБЕ, 29.10.2022 /АМИТ «Ховар»/. Дар доираи сафари расмии ҳайати парлумонии Тоҷикистон ба шаҳри Самарқанд Раиси Маҷлиси намояндагони Мачлиси Олии Ҷумҳурии Тоҷикистон Маҳмадтоир Зокирзода бо ҳамтои худ- Раиси палатаи қонунбарории Олий Маҷлиси Ҷумҳурии Узбекистон Нуридин Исмоилов мулоқот намуд, хабар дод ба АМИТ «Ховар» котиби матбуоти Маҷлиси намояндагон Муҳаммадато Султонов.
Зикр гардид, ки дар муддати кӯтоҳ месазад, ки робитаҳои байнипарлумонии Тоҷикистон ва Узбекистон ба сатҳи сифатан нав боло бароянд ва ҳам дар қолаби дуҷонибаю ҳам дар чаҳорчӯби созмонҳои байналмилалии парлумонӣ рушд кунанд.
Маҳмадтоир Зокирзода тазаккур дод, ки дар муддати кӯтоҳ дар Маҷлиси намояндагони Маҷлиси Олии Ҷумҳурии Тоҷикистон, ҳамчунин дар Палатаи қонунгузории Маҷлиси Олии Ҷумҳурии Узбекистон ҳамаи созишномаҳои имзокардаи Сарварони ду кишвар тасвиб шудаанд.
Дар мулоқот ҳамчунин ҷонибҳо таъкид намуданд, ки ҷараёни инкишофи ҳамкории тиҷоратию иқтисодӣ ва гуманитарӣ миёни Тоҷикистон ва Узбекистон бо назардошти манфиатҳои мутақобилан муфид ба роҳ монда шуда, муносибатҳои дуҷонибаи сиёсӣ мустаҳкам мегарданд.
Ёдовар мешавем, ки дар мулоқоти ҳайати парлумонии Маҷлиси намояндагон –Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода, намояндаи Маҷлиси Олии Ҷумҳурии Тоҷикистон дар қароргоҳи Ассамблеяи Байнипарлумонии давлатҳои аъзои Иттиҳоди Давлатҳои Мустақил Бахтовар Сафарзода, раисони кумитаҳои Маҷлиси намояндагон Саидмурод Фаттоҳзода ва Рустам Латифзода иштирок намуданд.
Акс: МН МО ҶТ
Рустами Эмомалӣ бо Нурланбек Тургунбек уулу мулоқот намуданд
Раиси Жогорку Кенеши Ҷумҳурии Қирғизистон дар пояи муҷассамаи Исмоили Сомонӣ гулчанбар гузошт
Раиси Жогорку Кенеши Ҷумҳурии Қирғизистон Нурланбек Тургунбек уули бо сафари расмӣ ба Тоҷикистон ташриф овард
Вакили Маҷлиси намояндагон дар Форуми байналмилалии вакилони парлумонҳои кишварҳои дӯст иштирок намуд
Истиқлолият имкон дод, ки дар Тоҷикистон ҷомеаи демократӣ, ҳуқуқбунёд ва дунявӣ интихоб карда шавад
Дар шаҳри Бӯстон вохӯрии вакили Маҷлиси намояндагон бо интихобкунандагон доир шуд
Ҳайати Парламенти Федератсияи Русия бо бинои нави Парламенти Тоҷикистон шинос гардид
Вакили Маҷлиси намояндагон Барно Саидвализода бо сокинону интихобкунандагон дар ноҳияҳои Муъминобод, Шамсиддин Шоҳин ва Ховалинг вохӯрӣ намуд
Сомонаи нави Маҷлиси намояндагон ба фаъолият шуруъ намуд
Вакили Маҷлиси намояндагон бо масъулони соҳаи маорифи шаҳри Хуҷанд вохӯрӣ намуд
Мавсума Муинӣ дар Форуми парламентҳои осиёӣ оид ба аҳолӣ ва рушд доир ба ташаббусҳои Тоҷикистон дар соҳаи захираҳои об ва иқлим сухан намуд
Дар палатаи поёнии Парлумон бахшида ба Истиқлолияти давлатии Тоҷикистон ҳамоиши идона доир шуд
