Сафири Тоҷикистон дар Туркия бо роҳбари бунёди гурӯҳи Мармара мулоқот намуд
ДУШАНБЕ, 12.10.2022 /АМИТ «Ховар»/. 11 октябр вохӯрии Сафири Ҷумҳурии Тоҷикистон дар Ҷумҳурии Туркия Ашрафҷон Гулов бо Роҳбари Бунёди тадқиқоти стратегӣ ва иҷтимоии гурӯҳи Мармара доктор Аккан Сувер доир гардид. Дар ин бора ба АМИТ «Ховар» дар Сафорати Тоҷикистон дар Анқара хабар доданд.
Зимни мулоқот масоили ҳамкории иқтисодии дуҷониба ва минтақавӣ мавриди муҳокима қарор гирифт.
Қобили зикр аст, ки тайи 25 соли охир Саммити иқтисодии Авруосиё аз ҷониби Бунёди Мармара ташкил мешавад.
Тавре қаблан АМИТ «Ховар» хабар дода буд, 8 июн дар Туркия 25-умин Саммити иқтисодии кишварҳои Авруосиё зери унвони «Ҳамкорӣ ва шарикӣ дар байни ҷомеаҳои тиҷорати ҷаҳонӣ: Ба сӯи ҷаҳони рақамии бештар, ба сӯи ҷаҳони сабзтар» баргузор гардид, ки дар он Раиси Кумитаи давлатии сармоягузорӣ ва идораи амволи давлатии Тоҷикистон Саъдӣ Қодирзода иштирок ва суханронӣ намуд.
Саъдӣ Қодирзода оид ба аҳамияти таҳкими ҳамкории мутақобилан судманд миёни кишварҳои минтақа, фазои мусоид ва имконияти сармоягузорӣ дар Ҷумҳурии Тоҷикистон, таъсиси корхонаҳои муштарак дар қаламрави мамлакат, вазъи иқтисодӣ, ҳадафҳои стратегӣ, иқтидори гидроэнергетикии Ҷумҳурии Тоҷикистон ва ташаббусҳои байналмилалии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи об ибрози андеша намуд.
Роҳбари ҳайати Тоҷикистон ҳамчунин оид ба Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 маълумот пешниҳод намуд.
АКС: Сафорати Тоҷикистон дар Туркия
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
