Сарвари давлат Эмомалӣ Раҳмон дар деҳоти Шуроободи ноҳияи Шамсиддин Шоҳин бинои Маркази таъминоти бехатарии озуқавориро мавриди истифода қарор доданд
ДУШАНБЕ, 23.10.2022 /АМИТ «Ховар»/. 23 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Шуроободи ноҳияи Шамсиддин Шоҳин бинои Маркази таъминоти бехатарии озуқавориро мавриди истифода қарор доданд.
Маркази таъминоти бехатарии озуқавории ноҳия бо дастгирӣ ва супоришҳои бевоситаи Пешвои муаззами миллат муҳтарам Эмомалӣ Раҳмон ба истиқболи ҷашни пурифтихори миллӣ 35 — солагии Истиқлолияти давлатии Ҷумҳурии Тоҷикистон ҷиҳати ҳифзи солимии ҷомеа, таъмини бехатарии озуқаворӣ, рушди соҳаи чорводорӣ ва фароҳам сохтани шароити арзандаи корӣ ба кормандони соҳа бунёд ёфтааст.
Бинои Маркази таъминоти бехатарии озуқавории ноҳияи Шамсиддин Шоҳин 3-ошёна буда, дар ошёнаи якум барои ташхиси маҳсулоти гуштию ширӣ ва меваҷоту сабзавот озмоишгоҳ ва ҳуҷраҳои корӣ ташкил карда шудааст, ки бо дастгоҳу таҷҳизоти замонавӣ таъмин мебошанд.
Дар ошёнаи якум ва дуюми бинои навтаъсис аз рӯи лоиҳа 10 ҳуҷраи корӣ барои кормандон, дар ошёнаи 3-юм маҷлисгоҳ бо 40 ҷойи нишаст ва меҳмонхонаи замонавӣ бо 5 рахти хоб сохта шудааст, ки аз чунин шароити фароҳамгардида мутахассисону кормандони марказ метавонанд самаранок истифода намоянд.
Зимни шиносоӣ бо шароити иншооти муосир ба Президенти мамлакат муҳтарам Эмомалӣ Раҳмон иттилоъ доданд, ки бунёди бинои муосири хизматрасонӣ ва ташкили озмоишгоҳи замонавӣ барои кормандон имконият фароҳам месозад, ки онҳо дар чунин шароит донишу малакаи худро баҳри таъмини бехатарии озуқаворӣ, пешгирӣ аз ҳар гуна касалиҳо сироятӣ ва ҳифзи солимии ҷомеа истифода намоянд.
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
35-СОЛАГИИ ИСТИҚЛОЛИ ДАВЛАТӢ. Дар вилояти Суғд сохтмони иншооти иҷтимоӣ вусъат меёбад
ҶДММ «Ганҷи Панҷ» дар як сол имкони қабул ва коркарди то 20 ҳазор тонна пахтаро дорад
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони бинои шуъбаи Вазорати корҳои дохилӣ оғоз шуд
НИШАСТИ МАТБУОТӢ. Осорхонаи таърихии Донишкадаи давлатии фарҳанг ва санъати Тоҷикистон таъсис дода шуд
Ҳавопаймои нави «Boeing 737-8 MAX»-и «Сомон Эйр» дар Душанбе муаррифӣ гардид
