Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
ДУШАНБЕ, 04.10.2022 /АМИТ «Ховар»/. Тоҷикистон номзадии Арабистони Саудиро барои мизбонии «Экспо -2030» дар шаҳри Ар-Риёз ҷонибдорӣ менамояд. Дар ин бора Вазири корҳои хориҷии Подшоҳии Арабистони Саудӣ шоҳзода Файсал ибни Фарҳон Оли Сауд пас аз мулоқот дар Душанбе бо Президенти Ҷумҳурии Тоҷикистон Эмомалӣ Раҳмон изҳор дошт.
Файсал ибни Фарҳон Оли Сауд таъкид намуд, ки ба Президенти Тоҷикистон муҳтарам Эмомалӣ Раҳмон барои дастгирии ҷониби Тоҷикистон дар мавриди номзадии Арабистони Саудӣ барои мизбонии ЭКСПО -2030 изҳори сипос намудааст.
«Умед дорем, ки ин намоишгоҳ дар Арабистони Саудӣ роҳандозӣ мешавад ва Тоҷикистон дар он иштирок мекунад»,- гуфт Файсал ибни Фарҳон Оли Сауд.
Ёдовар мешавем, ки Пешвои миллат муҳтарам Эмомалӣ Раҳмон Вазири корҳои хориҷии Подшоҳии Арабистони Саудӣ шоҳзода Файсал ибни Фарҳон Оли Саудро 3 октябр дар Қасри миллат ба ҳузур пазируфтанд. Дар мулоқот маҷмӯи васеи масоили ҳамкории Тоҷикистон ва Подшоҳии Арабистони Саудӣ баррасӣ гардид.
Дархости Ар-Риёз барои мизбонии намоишгоҳи «Экспо – 2030» аз ҷониби Арабистони Саудӣ моҳи октябри соли 2021 эълон шуда буд. Овоздиҳӣ дар доираи Ассамблеяи генералии Бюрои байналмилалии намоишгоҳҳо, ки аз рӯи натиҷаҳои он шаҳри ғолиб эълон карда мешавад, соли 2023 баргузор мегардад.
Хотиррасон мешавем, ки Намоишгоҳи ҷаҳонии универсалии «Экспо»-бузургтарин чорабинии байналмилалие мебошад, ки ба кишварҳои ширкаткунанда имкон фароҳам меорад, то худро ба тамоми ҷаҳон муаррифӣ намуда, дастовардҳои навтарини технология ва илм, дастовардҳои фарҳангӣ ва шоҳасарҳои нави меъморияшонро намоиш диҳанд. «Экспо-2020» дар Дубай (АМА) гузашт ва «Экспо-2025» дар Осакаи Ҷопон доир мегардад.
АКС аз манбаъҳои боз
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
