Ба нақшаи рушди буҷети Тоҷикистон барои солҳои наздик чӣ миқдор рақамҳо ворид шудаанд
ДУШАНБЕ, 21.11.2022 /АМИТ «Ховар»/. Тавре АМИТ «Ховар» қаблан хабар дода буд, Ҳукумати Тоҷикистон 31 октябр лоиҳаи қарори Ҳукумати Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2023» ва дурнамои нишондиҳандаҳои буҷети давлатӣ барои солҳои 2024-2025-ро, ки Вазорати молияи ҷумҳурӣ омода намудааст, маъқул донист.
Маҷлиси Ҳукумат таҳти раёсати Сарвари давлат муҳтарам Эмомалӣ баргузор шуд. Тавре Хадамоти матбуоти Президент хабар медиҳад, лоиҳаҳои пешниҳодшуда бо мақсади татбиқи сиёсати иҷтимоиву иқтисодии давлат дар самти таъмин намудани рушди устувори иқтисоди миллӣ, коҳиш додани таъсири омилҳои манфии берунӣ ба он, тараққиёти соҳаҳои воқеӣ ва инфрасохторӣ, баланд бардоштани сатҳи зиндагӣ ва ҳифзи иҷтимоии аҳолӣ таҳия гардидаанд.
Мувофиқи лоиҳаи буҷет барои соли 2023 даромади давлатӣ 37,1 млрд сомонӣ пешбинӣ шудааст, ки назар ба соли 2022 тахминан 12,3%, ё 4,1 млн сомонӣ зиёд мебошад.
Илова бар ин қисми хароҷоти буҷети давлатӣ 38,1 миллиард сомониро ташкил медиҳад, ки нисбат ба даромадҳои пешбинишуда қариб 1 миллиард сомонӣ зиёдтар аст. Хароҷот барои соли 2023 13% ё ё 4,5 миллиард сомонӣ нисбат ба соли 2022 зиёд аст.
Нишондиҳандаҳои буҷети соли 2024 чунин аст- даромад 41,1 миллиард сомонӣ ва хароҷот 41,8 миллиард сомонӣ пешбинӣ шудаанд.
Хароҷоти Тоҷикистон аз буҷети давлатӣ дар соли 2025 45 миллиард сомонӣ пешбинӣ шудааст, ки нисбат ба даромад тақрибан 1 миллиард сомонӣ зиёд аст. Пешгӯии даромади буҷет дар соли 2025 беш аз 43 миллиарду 994 миллион сомониро ташкил медиҳад. Касри буҷет аз рӯи нақша 977 миллион сомониро ташкил медиҳад.
Сарвари давлат Эмомалӣ Раҳмон дар ҷаласаи Ҳукумати Ҷумҳурии Тоҷикистон дастур доданд, ки уҳдадориҳои иҷтимоии давлат, аз ҷумла пардохти музди меҳнат, кумакпулӣ ва дигар кумакҳои иҷтимоӣ аз ҳисоби буҷети давлатӣ сари вақт ва дар сатҳи зарурӣ таъмин карда шаванд.
Лоиҳаҳо барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод гардидаанд.
АКС: АМИТ «Ховар»
ИСТИФОДАИ САМАРАНОКИ ЗАМИН. Аъзои хоҷагии деҳқонии «Бобои Ҳақназар» картошкаро ҷамъоварӣ намуда, тарбуз кишт мекунанд
Банкнотаи ҷашнии 100-сомонии Тоҷикистон ба рӯйхати ғолибони ҷоизаи байналмилалии IACA-2026 ворид шуд
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
Ҳайати Тоҷикистон бо намояндагони Бонки аврупоии таҷдид ва рушд ва ширкати «OG Research» вохӯрӣ намуд
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
